छत्तीसगढ़ के व्यापार अऊ उद्योग जगत म नहीं, नक्सली गतिविधि मन म आए हे मंदी : श्री भूपेश बघेल

हम नक्सली क्षेत्र मन म मनखे मन ल नांगर धरात हन, रोजगार ले जोड़त हन, नइ तो ओ मन बंदूक धरहीं

रायपुर, मुख्यमंत्री श्री भूपेश बघेल ह कहिन हे कि राज्य सरकार के पाछू एक साल के योजना मन ले छत्तीसगढ़ के व्यापार अऊ उद्योग जगत म नवा उछाल आए हे। छत्तीसगढ़ मंदी के प्रभाव ले अछूता रहे हे। छत्तीसगढ़ के व्यापार अऊ उद्योग जगत म नहीं, भलुक नक्सली गतिविधि मन म मंदी आए हे। ओ मन ल भर्ती बर मनखे नइ मिलत हे। मुख्यमंत्री ह कहिन कि राज्य सरकार के लक्ष्य हर एक मनखे के विकास हे। नक्सल प्रभावित क्षेत्र म मनखे मन ल शिक्षा, स्वास्थ्य के बेहतर सुविधा मन के संग सुरक्षा देहे के काम राज्य सरकार करत हे। हम मनखे मन ल रोजगार ले जोड़त हन। ओ मन ल नांगर धरावत हन, नइ तो ओ मन बंदूक धरहीं। मुख्यमंत्री ह ये आशय के विचार आज इहां एक निजी होटल म एनडीटीव्ही कोति ले आयोजित कार्यक्रम ’देश के नवा विश्वास छत्तीसगढ़’ म व्यक्त करिन।

लउछरहा..