जगरगुंडा के शैक्षणिक संस्था मन म – 13 बछर बाद  फेर लहुटिस रौनक 

उद्योग मंत्री श्री कवासी लखमा ह करिस शुभारंभ  
रायपुर, सुकमा के अतिसंवेदनशील जगरगुंडा क्षेत्र के स्कूल मन म लइका मन के रौनक फेर लहुट आये हे। नवा शिक्षण सत्र के पहिली दिन आज उद्योग मंत्री श्री कवासी लखमा के उपस्थिति म पांच शैक्षणिक संस्था मन अउ छात्रावास के संचालन फेर चालू करे गीस। जगरगुंडा सलवा जूडूम अभियान ले पहिली तक व्यापारिक केन्द्र अऊ हाईस्कूल तक शिक्षा केन्द्र रहे हे। वो समय म जगरगुंडा म बैंक के घलोक संचालन करे जात रहिस। फेर साल 2006 के सलवा जूडूम अभियान के समय आसपास के गांव संग पूरा जगरगुंडा घलोक खाली हो गीस अऊ उहां राहत शिविर म आमजन निवास करे लगिन। जगरगुंडा के तीर सलवा जूडूम शुरू होए के बाद ले करीबन 13 बछर ले उहां माध्यमिक अऊ हाई स्कूल के संचालन नइ होते रहिस। इलाका के विद्यार्थी नजदीकी पोटाकेबिन म अध्ययन करिस करत रहिन। नागरिक मन के मांग ल देखत शासन अऊ जिला प्रशासन के अथक प्रयास ले स्कूल मन के संचालन फेर शुरू करे गए हे।

लउछरहा..