बनचरौदा म बंदोबस्त गलती सुधार बर टीम गठित करे के दीन निर्देश
कलेक्टर ह गांव वाले मन ले चर्चा करके राशन, पेंशन अऊ मजदूरी के लीन जानकारी
रायपुर, कलेक्टर डॉ. बसवराजु एस. ह आज इहां जिला के आरंग विकासखण्ड के ग्राम पंचायत निसदा, बनचरौदा अऊ पारागांव म बनत गौठान मन के निरीक्षण के समय उहां मौजूद गांव वाले मन ले चर्चा करिन अऊ ओ मन ल मिलत राशन, पेंशन, मजदूरी आदि के जानकारी लीन। ए अवसर म जिला पंचायत के मुख्य कार्यपालन अधिकारी डॉ. गौरव कुमार सिंह घलोक उपस्थित रहिन।
कलेक्टर ह गांव वाले मन ले राजस्व संबंधी नामांकन, बटवारा, फौती आदि प्रकरण मन के जानकारी लीन। उमन ग्राम बनचरौदा म बंदोबस्त गलती सुधार बर आरंग के अनुविभागीय अधिकारी राजस्व ल टीम गठित करके निराकरण के निर्देश दीन। कलेक्टर ह कहिन के सबो पटवारी अऊ ग्राम पंचायत के सचिव अपन निरधारित मुख्यालय मन म अनिवार्य रूप ले रहयं। डॉ. बसवराजु ह मनखे मन ले राशन अऊ पेंशन के जानकारी लीन अउ एसडीएम ल निर्देशित करिन के राशन वितरण के समय आकमिक निरीक्षण कर ये देखिंन के सही तौल ले मनखे मन ल राशन मिलत हे कि नहीं। कलेक्टर ह स्कूल अऊ आंगनबाड़ी केन्द्र मन के संचालन अऊ व्यवस्था मन के जानकारी घलोक लीन। कलेक्टर ह गांव मन म हेण्डपंप अउ पेयजल व्यवस्था के जानकारी लीन अउ महिला मन ले चर्चा करत समूह मन के माध्यम ले आर्थिक उपार्जन के जादा ले जादा गतिविधि संचालित करे ल कहिन।
