प्रोफेसर स्व. प्रभुदत्त खेड़ा के सुरु करे गए स्कूल के  लइका मन ह देखिन विधानसभा :  विधानसभा अध्यक्ष अऊ मुख्यमंत्री ले मुलाकात करिन

रायपुर, सुप्रसिद्ध समाजसेवी प्रोफेसर प्रभु दत्त खेड़ा कोति ले संचालित  अभ्यारण्य शिक्षण समिति मुंगेली जिला के बैगा बहुल ग्राम छपरवा म स्थापित उच्चतर माध्यमिक शाला के  लइका मन  ह आज विधानसभा देखिन अऊ सदन के कार्यवाही के अवलोकन घलोक करिन।  विधानसभा परिसर म ए लइका मन ह विधानसभा अध्यक्ष  डॉ चरणदास महंत अऊ मुख्यमंत्री श्री भूपेश बघेल ले मुलाकात करिन । मुख्यमंत्री ह लइका मन ले उंखर पढ़ाई लिखाई के जानकारी ली अऊ ओ मन ल उज्ज्वल भविष्य बर आशीर्वाद दीन।
ये बेरा म स्कूल शिक्षा मंत्री डॉ प्रेमसाय सिंह टेकाम, खाद्य मंत्री श्री अमरजीत भगत, विधायक श्री सत्यनारायण शर्मा, मुख्य सचिव श्री आर पी मंडल अऊ संचालक एससीईआरटी राज्य शैक्षिक अनुसंधान अउ प्रशिक्षण परिषद घलोक उपस्थित रहिन। प्रोफेसर डॉ प्रभुदत्त खेड़ा दिल्ली विश्वविद्यालय के पहिली प्रोफेसर रहिन। ओ मन निधन के पहिली करीबन 30 साल ले मुंगेली जिला के आदिवासी बाहुल्य क्षेत्र अचानकमार के जंगल के बीच लमनी गांव म आदिवासी लइका मन ल शिक्षित करत रहिन। उमन लमनी-छपरवा गांव म स्कूल चालू करे रहिन। स्वर्गीय श्री प्रोफेसर खेड़ा ल छत्तीसगढ़ सरकार के पहला महात्मा गांधी स्मृति सम्मान साल 2018 म प्रदान करे गए रहिस।

लउछरहा..