किसान मन ल दीन सामयिक सलाह
बेमेतरा, बेमेतरा जिला म एक हफ्ता ले अवर्षा के स्थिति के सेती धान फसल के संघरा सर्वे कृषि विज्ञान केन्द्र बेमेतरा के वरिष्ठ वैज्ञानिक आर. मोदी अऊ कृषि विभाग के आला अधिकारी मन कोति ले बेमेतरा विकासखण्ड के खण्डसरा, झाल, ढोलिया आदि म करे गीस। एती धान फसल के बोनी करीबन पूरा हो गए हे। वर्षा आधारित धान के खेतो म फसल स्थिति के जायजा लेहे म पाए गीस कि जऊन खेत मन म समय म बोआई करे गए हे उहां फसल के स्थिति ठीक हे। अवइया एक हफ्ता के भीतर कहूं अवर्षा के स्थिति रइही, त फसल के बढ़वार म विपरित प्रभाव परे के सम्भावना हे।
कृषि विज्ञान केन्द्र बेमेतरा के कार्यक्रम समन्वयक अऊ वैज्ञानिक आर.मोदी कोति ले विस्तृत रूप ले जानकारी देवत बताए गीस कि बेमेतरा जिला म पाछू आठ ले दस दिन ले अवर्षा के स्थिति बने हे। निरीक्षण के समय ये घलोक अवगत कराये गीस कि धान के मध्यम अवधि के किस्म मन के बोआई समय म जऊन खेत मन म करे गए हे, उहां फसल के बढ़वार अवर्षा म प्रभावित नइ होए हे। अभी धान के फसल के वानस्पतिक अवस्था करीबन 20 ले 25 दिन के हे, संगेच मृदा म समान्य प्रतिशत के करीबन नमी बने हे। आर. मोदी कोति ले ये घलोक बताये गीस के तीन-चार दिन बाद मौसम विभाग के पुर्वानुमान अनुसार जिला म अच्छा वर्षा होए के सम्भावना हे।
