- महिला स्व सहायता समूह के सदस्य मवेशी मन के करत हें देखभाल
- 3 एकड़ जमीन म चारागाह के विकास
महासमुंद, छत्तीसगढ़ शासन के महत्वाकांक्षी योजना नरवा, गरूवा, घुरूवा अऊ बाड़ी कार्यक्रम के अंतर्गत जिला के विकासखण्ड बसना के ग्राम पंचायत मेढ़ापाली के ग्राम ठुठापाली म मॉडल गौठान के निर्माण करे गए हे। गौठान के निर्माण 3 एकड़ म करे गए हे, जेमां ले 3 एकड़ जमीन म चारागाह के विकास करे जात हे। ग्राम म कुल पशु मन के संख्या 104 हे, जेमां रोजेच 70-80 पशु गौठान म आवत हे। गौठान म कई प्रजाति मन के 200 ले जादा पौधा घलोक रोपित करे गए हे। इहां घुरूवा योजना के तहत दू वर्मी बेड लगाए गे हे, जेमां गोबर सकेले के काम अऊ रख-रखाव इहां के जय गणेश महिला स्व सहायता समूह कोति ले करे जात हे।
इहां हर हफ्ता गौठान समिति के सदस्य मन के बैठक आयोजित करे जाथे, जेमां कई ठन मुद्दा उपर चर्चा करके विकास बर कार्य योजना बनाए जाथे। गौठान निर्माण के कार्य म ग्रामीण महिला मन के विशेष योगदान हे। गौठान म ग्राम के जम्मो मवेशी मन ल सकेल के पशुधन विकास विभाग कोति ले टीकाकरण, उपचार, दवा वितरण कृमिनाशक दवापान, कृत्रिम गर्भाधान के काम करे जात हे। गौठान म पानी के समुचित व्यवस्था बर दू तालाब, एक डबरी अऊ बोर के खनन करे गए हे। इहां कोटना अऊ पानी टंकी निर्माण करके मवेशी मन ल पानी पिलाए जात हे अऊ नियमित रूप ले एकर साफ-सफाई घलोक करे जात हे।
एखर अलावा गौठान ले लगे 3 एकत्र जमीन म चारागाह के व्यवस्था करे गए हे, जेमां नेपियर घास, मक्का के संगेच वृक्षारोपण के काम घलोक करे गए हे। गौठान अऊ चारागाह म लक्ष्मी महिला स्व सहायता समूह कोति ले काम करे जात हे, जेखर से ग्राम पंचायत के महिला मन लाभान्वित होवत हे। स्व सहायता समूह के महिला मन अऊ चरवाहा मन कई ठन विभाग मन कोति ले प्रशिक्षण दे गए हे, जेखर से वर्मी कम्पोस्ट तियार करे, गोबर अऊ घुरवा सकेल के केचुंवा खाद तियार करे के तकनीक के बारे म जानकारी दीण् गए हे। अइसनहे चरवाहा मन ल स्वस्थ्य अऊ बीमार पशु मन के पहिचान करे के बारे म बताए जात हे। बाड़ी विस्तार बर खाद के उपयोग अऊ ओखर लाभ के बारे म घलोक जानकारी दीए गए हे। गोबर ले धूप अगरबत्ती अऊ आन उपयोगी चीज बनाए के विधि घलोक बताए गए हे।
