मुख्यमंत्री ह करिन नवा रायपुर के मुख्यमंत्री, मंत्री, विधायक निवास के प्रस्तावित स्थल के निरीक्षण

रायपुर, मुख्यमंत्री श्री भूपेश बघेल ह आज नवा रायपुर अटल नगर के सेक्टर 24 म मुख्यमंत्री निवास, विधायक विश्राम गृह अऊ अधिकारी मन के घर बर प्रस्तावित स्थल के निरीक्षण करिन। गृह अऊ पर्यावरण मंत्री श्री मोहम्मद अकबर, गृह मंत्री श्री ताम्रध्वज साहू, कृषि अऊ जल संसाधन मंत्री श्री रविन्द्र चौबे अऊ राजस्व मंत्री श्री जय सिंह अग्रवाल ये बेरा म उपस्थित रहिन। मुख्यमंत्री ह प्रस्तावित निर्माण कार्य मन के बारे म अधिकारी मन ले स्थल म जानकारी प्राप्त करिन अऊ ओ मन ल जरूरी निर्देश दीन।

मुख्यमंत्री श्री भूपेश बघेल ल नवा रायपुर विकास प्राधिकरण के मुख्य कार्यपालन अधिकारी श्री नीलम एक्का ह सेक्टर 24 के बारे म विस्तार ले जानकारी दीन। मुख्यमंत्री ह अधिकारी मन ल मुख्यमंत्री निवास, विधायक विश्राम गृह अऊ अधिकारी मन के घर बर लउहे डी.पी.आर. तियार करे के निर्देश दीन। उमन कहिन कि ए आवास मन के नजदीक मंत्री

मन के स्टाफ बर ट्रांजिट हास्टल बनाए ल घलोक कहिन।

मुख्यमंत्री ह कहिन कि निर्माण काम साल भर के भीतर पूरा करे बर समयबद्ध कार्य योजना तियार करे जाय। आवास मन के नजदीक जरूरी जन सुविधा मन बर नजदीक म मार्केट विकसित करे जाए। इहां मनोरंजन बर पार्क, सिनेमा गृह आदि बनाय जाय। मुख्यमंत्री ह कहिन कि नवा रायपुर अटल नगर म मुख्यमंत्री, मंत्रि मन अऊ विधायक मन के घर निर्माण ले इहां बसाहट बाढ़ही अऊ रायपुर शहर म ट्रैफिक के दबाव कम करे म मदद मिलही।

लउछरहा..