मुख्यमंत्री ह करिस छत्तीसगढ़ी नाटक ‘सुराजी गांव‘ के विमोचन

नरवा, गरूवा, घुरूवा, बाड़ी योजना म आधारित हे नाटक
रायपुर 18 जुलाई 2023
मुख्यमंत्री श्री भूपेश बघेल ह आज इहां विधानसभा परिसर स्थित अपन कार्यालय म श्री दुर्गा प्रसाद पारकर के नाट्य रचना ‘सुराजी गांव‘ के विमोचन करिस। मुख्यमंत्री ल श्री पारकर ह बताइस कि ए ह छत्तीसगढ़ी नाटक राज्य सरकार के महत्वकांक्षी योजना नरवा, गरूवा घुरूवा, बाड़ी म आधारित हे। ओ ह ए नाटक म ग्रामीण अर्थव्यवस्था ल सुदृढ़ करत योजना नरवा, गरूवा घुरूवा, बाड़ी ले ग्रामीण मन के जीवन म होवत बदलाव ल रेखांकित करे हे। ‘सुराजी गांव‘ रचना के माध्यम ले उकर प्रयास राज्य सरकार ले ए कल्याणकारी योजना के बिसय म लोगन मन ल जागरूक करना हे जेकर से लोगन मन ए योजना के जादा ले जादा लाभ उठा सकय। मुख्यमंत्री श्री भूपेश बघेल ह श्री दुर्गा प्रसाद पारकर ल किताब के प्रकाशन ब बधई अउ सुभकामना दिस। ए अवसर म खाद्य मंत्री श्री अमरजीत भगत, संसदीय सचिव श्री कुंवर सिंह निषाद, श्री राजेंद्र निषाद, श्री संतोष निषाद, श्री दानिश्वर कुमार, श्री लोकेश चन्द्राकर समेत अउ लोगन मन उपस्थित रहिस हे।
Neha Rathore