स्कूल अऊ कालेज के पढ़ईया लईका मन के शिक्षा अऊ कैरियर संबंधी समस्या मन के होही समाधान
रायपुर, छत्तीसगढ़ के मुख्यमंत्री श्री भूपेश बघेल ह सूरजपुर जिला म केशवनगर गौठान के अवलोकन करत खानी पढ़ईया लईका मन के मार्गदर्शन अऊ सलाह बर जिला प्रशासन कोति ले चालू करे गए ’’संवाद सूरजपुर’’ कार्यक्रम के शुभारंभ करिस। ए कार्यक्रम के अंतर्गत जिला कार्यालय म स्थापित करे गए डिस्ट्रिक्ट काउंसिलिंग सेंटर के माध्यम ले स्कूल अऊ कालेज के पढ़ईया लईका मन के शिक्षा अऊ कैरियर संबंधी समस्या मन के समाधान करे जाही।
कलेक्टर श्री सोनी ह बताइस कि डिस्ट्रिक्ट काउंसिलिंग सेंटर म स्कूल अऊ कालेज के छात्र मन के अध्ययन, विसय चुनाव, परीक्षा, समस्या, समाधान अऊ कैरियर चुनाव बर मार्गदर्शन प्रदाय करे जाही। उमन बताइस के विद्यार्थी खुदे उपस्थित होके या मोबाईल फोन (9111033446) ले सम्पर्क करके मार्गदर्शन प्राप्त कर सकत हे। कैरियर संबंधी समस्या मन के निराकरण बर कई ठन प्लेसमेंट एजेंसी मन के माध्यम ले समन्वय स्थापित करके, रोजगार बर इच्छुक पढ़ईया लईका मन ल कैरियर चुनाव के संबंध म घलोक मार्गदर्शन दे जाही।
