मुख्यमंत्री ह दीस बाढ़ प्रभावित मन ल लउहे मुआवजा देहे के निर्देश

रायपुर, मुख्यमंत्री श्री भूपेश बघेल थोकुन बेरा बर आज संभागीय मुख्यालय जगदलपुर पहुंचिन। उमन एयरपोर्ट म आयोजित बैठक म बस्तर जिला म बाढ़ ले होए नुकसान के समीक्षा करिन। मुख्यमंत्री ह बस्तर जिला म आंशिक अउ पूर्ण रुप ले होए मकान मन के क्षति के संग फसल अऊ जनधन हानि के जानकारी लीन। मुख्यमंत्री ह बाढ़ ले होए नुकसान बर राजस्व पुस्तक परिपत्र 6-4 के तहत पीड़ित मन ल लउहे मुआवजा राशि के भुगतान करे के निर्देश दीन। ये बेरा म पंचायत अउ ग्रामीण विकास अऊ स्वास्थ्य मंत्री श्री टीएस सिंहदेव, गृह मंत्री श्री ताम्रध्वज साहू, राजस्व मंत्री श्री जयसिंह अग्रवाल, बस्तर कलेक्टर डॉ अय्याज तम्बोली संग जनप्रतिनिधिगण अउ बस्तर जिला प्रशासन के वरिष्ठ अधिकारी उपस्थित रहिन।

लउछरहा..