मुख्यमंत्री ह स्वर्गीय श्री वामनराव लाखे के पुण्यतिथि म ओ मन ल करिन नमन

रायपुर, मुख्यमंत्री श्री भूपेश बघेल ह आज मुख्यमंत्री निवास कार्यालय म स्वर्गीय श्री वामनराव लाखे के पुण्यतिथि म ऊंखर छायाचित्र म पुष्प अर्पित करके ओ मन ल नमन करिन। श्री बघेल ह स्वतंत्रता संग्राम अऊ सहकारिता के क्षेत्र म श्री लाखे के अमूल्य योगदान ल सुरता करिन। छत्तीसगढ़ म सहकारिता के माध्यम ले श्री लाखे ह किसान मन संग लाखों मनखे मन के आर्थिक विकास के मजबूत आधारशिला रखे रहिन। उमन छत्तीसगढ़ म सहकारिता के नींव रखत रायपुर म सहकारी बैंक के स्थापना करिन। राष्ट्रीय स्वतंत्रता संग्राम के समय उमन छत्तीसगढ़ म जन-जागरण बर अपन अमूल्य योगदान दीन। खादी के प्रचार-प्रसार के संग शिक्षा के विकास बर घलोक ओ मन सक्रिय रहिन। ओ मन आजीवन सहकारी संगठन मन के मजबूती बर लगे रहिन। ऊंखर उदीम के ही परिणाम हे कि आज सहकारिता के माध्यम ले लाखों मनखे मन के रोजगार अऊ आगू बढ़े के सपना सच होवत हे।