वेदांत पदक जीतके देश-प्रदेश के नाम रोशन करिस: सुश्री उइके
रायपुर, राज्यपाल सुश्री अनुसुईया उइके ले आज इहां राजभवन म स्केटींग एसोसिएशन छत्तीसगढ़ के अध्यक्ष श्री भावेश सहाय अऊ 10 वर्षीय खिलाड़ी श्री वेदांत बजाज ह मुलाकात करिस।
राज्यपाल सुश्री उइके ह श्री वेदांत ल फल मन के टुकनी भेंट करके शुभकामना दीन अऊ कहिन कि आप हमेशा स्वस्थ रहव अऊ बेल्जियम म आयोजित प्रतियोगिता म पदक जीत के पूरा देश के नाम रोशन करव। उमन कहिन कि अतका उमर म अऊ ये खेल म अइसन प्रतिभा सही मं सराहनीय हे। राज्यपाल ह कहिन कि अइसन प्रतिभाशाली लइका के माता-पिता अऊ परिजन घलोक बधाई के पात्र हे, जेमन अपन लइका ल ये मुकाम तक पहुंचाए बर कड़ा मेहनत करे हें।
श्री वेदांत ह बताइस कि ऊंखर प्रेरणास्रोत ऊंखर पिता हे। श्री सहाय ह बताइस कि श्री वेदांत बजाज ह साढ़े चार साल के उमर ले ही स्केटींग के खेल सीखना सुरू कर दे रहिस अऊ अब तक वो ह प्रदेश अऊ राष्ट्रीय स्तर म कई पदक जीत डरे हे। ओ अब बेल्जियम म आयोजित अंतर्राष्ट्रीय स्केटींग स्पर्धा म भारतीय टीम के सदस्य के तौर म हिस्सा लेंही। ओ ह छत्तीसगढ़ ले सामिल होवइया अपन आयु वर्ग के अकेला खिलाड़ी ये। ये बेरा म स्केटींग एसोसिएशन के आन प्रतिनिधि घलव उपस्थित रहिन।
