राज्योत्सव 2019 : जनसम्पर्क विभाग के स्टॉल म मिलत हे मनखे मन ल उपयोग जानकारी

रायपुर, राज्योस्थल म जनसम्पर्क विभाग कोति ले छत्तीसगढ़ के ग्रामीण परिवेश ल प्रदर्शित करत प्रदर्शनी म जनसामान्य ल शासन के कई ठन योजना मन के अऊ कार्यक्रम मन के जानकारी आकर्षक अऊ रोचक ढंग ले दिए जात हे। जनसम्पर्क विभाग के स्टॉल म पहुंचइया मनखे राज्य सरकार के कई ठन क्षेत्र मन म करे गए विशेष पहल अऊ उपलब्धि, पत्रिका जनमन संग आन योजना मन उपर आधारित प्रकाशन म खास रूचि लेवत हें।
जनमन पत्रिका अऊ आन प्रकाशन मन म शासन के योजना मन के महत्वपूर्ण जानकारी मनखे मन ल मिलत हे, उहें एलईडी डिस्प्ले के संग घलोक योजना मन के जानकारी आकर्षक ढंग ले दिए जात हे।
जनसम्पर्क विभाग के स्टॉल म पहुंचे गरियाबंद के पुणितराम अऊ प्यारेलाल, कन्हेरा रायपुर के गुदावरी बाई अऊ धमधा दुर्ग के श्री खेमराम ह बातचीत के बेरा म बताइस कि ओ मन ल जनसम्पर्क विभाग के प्रदर्शनी के स्टॉल म किसान, युवा, महिला अऊ लइका मन बर अड़बड़ उपयोगी जानकारी मिलीस। स्टॉल म नरवा, गरवा, घुरवा अऊ बाड़ी, मुख्यमंत्री हाट-बाजार क्लिनिक योजना, मुख्यमंत्री सुपोषण योजना, स्लम एरिया म पहुंचत मोबाइल मेडिकल यूनिट के जानकारी आदि डिस्प्ले बोर्ड म प्रदर्शित करे गए हे।

लउछरहा..