जांजगीर-चांपा, नगर पंचायत डभरा म संचालित पोषण पुनर्वास केन्द्र के लाभ उहां के कुपोषित लइका मन ल मिलत हे। इही कड़ी म नगर पंचायत डभरा क्षेत्र के वार्ड नंबर 09 केनाभाठा निवासी लक्ष्मी प्रसाद अब सामान्य श्रेणी के लइका मन म सामिल हो गए हे। महिला अउ बाल विकास के सुपरवाईजर श्रीमती भावना नेताम ह बताइस कि लक्ष्मी प्रसाद के पिता संतोष चौहान मजदूरी करथे अउ ओखर माता गनेशी बाई मूक बधिर हे अऊ खुद घलोक एनीमिक हे। केन्द्र के डॉक्टर माधूरी चन्द्रा ह पांच अपै्रल के दिन लक्ष्मीप्रसाद के जांच करे रहिस। लइका गंभीर कुपोषित होए के सेती शारीरिक रूप ले बहुत कमजोर रहिस। लइका के माता-पिता ल समझाके डभरा के पोषण पुनर्वास केन्द्र म भर्ती करे गीस। भर्ती के समय लक्ष्मीप्रसाद के वजन मात्र तीन किलो रहिस। डॉक्टर चन्द्रा के सतत निगरानी म लइका ल 15 दिन रखे गीस। जरूरी दवई अऊ पौष्टिक आहार लइका अऊ मां दुनों ल दे गीस। लइका के वजन म एक किलो के बढ़ोत्तरी होइस। शिशु रोग विशेषज्ञ ह 15 दिन अऊ रखे के सलाह दीन। अगले 15 दिन म लक्ष्मी प्रसाद के वजन 5 किलो 200 ग्राम हो गीस। चिकित्सक मन के सतत निगरानी अऊ पोषक आहार ले लक्ष्मी प्रसाद अब पूरा स्वस्थ्य हो गए हे। मजदूरी करके जीवन यापन करइया लक्ष्मीप्रसाद के माता-पिता पोषण पुनर्वास केन्द्र ले मिले सुविधा मन बर आभार व्यक्त करत हे। हम आप ल बता देवन कि डभरा पोषण पुनर्वास केन्द्र के शुभारंभ 15 मई 2017 के दिन होए रहिस। क्षेंत्र के गंभीर कुपोषित 372 लइका मन ल भर्ती करके सामान्य लइका मन के श्रेणी म लाए जा चुके हे। लइका मन के माता-पिता ल आहार अउ स्वास्थ्य संबंधी सलाह घलोक दीए जात हे।
लउछरहा..
दंतेवाड़ा: रंग गुलाल बनाके जीवन म रंग भरत हें ‘दीदी मन‘
March 17, 2024 Surabhi Tiwari Comments Off on दंतेवाड़ा: रंग गुलाल बनाके जीवन म रंग भरत हें ‘दीदी मन‘दंतेवाड़ा, 17 मार्च 2024। बाजार म बेंचइया रंग-गुलाल म केमिकल रहिथे जे ह त्वचा बर हानिकारक...कोरिया: जिला के लखपति दीदी मन ल मिलीस सम्मान : प्रधानमंत्री मोदी के संवाद कार्यक्रम ले जुडि़न जिला के महिला मन
March 12, 2024 Surabhi Tiwari Comments Off on कोरिया: जिला के लखपति दीदी मन ल मिलीस सम्मान : प्रधानमंत्री मोदी के संवाद कार्यक्रम ले जुडि़न जिला के महिला मनकोरिया 12 मार्च 2024। सशक्त नारी विकसित भारत कार्यक्रम अंतर्गत जिला के विकासखंड बैकुंठपुर के ग्राम...जांजगीर-चांपा: महतारी वंदन योजना ले आत्मबल के संग गढ़ही दुर्गेश्वरी सुनहरा भविष्य
March 7, 2024 Surabhi Tiwari Comments Off on जांजगीर-चांपा: महतारी वंदन योजना ले आत्मबल के संग गढ़ही दुर्गेश्वरी सुनहरा भविष्यजांजगीर-चांपा, 07 मार्च 2024। जिला के पामगढ़ विकासखंड के ग्राम चेऊडीह म रहइया दुर्गेश्वरी अपन सोनहा...