छत्तीसगढ़ी साहित्यकार मन के रचना मन के हिंदी म अनुवाद करे के मांग
रायपुर, प्रदेश के वन, परिवहन, गृह अउ पर्यावरण, विधि-विधायी काम मंत्री श्री मोहम्मद अकबर ले आज राजधानी स्थित ऊंखर शासकीय निवास कार्यालय म छत्तीसगढ़ राज्य अलंकरण, पंडित सुंदरलाल शर्मा सम्मान 2019 ले विभूषित श्री सैयद अय्युब मीर अली मीर जी ह सौजन्य भेंट करिन। साहित्य अऊ आंचलिक साहित्य के क्षेत्र म स्थापित पंडित सुंदरलाल सम्मान ले मीर अली मीर ल छत्तीसगढ़ राज्य स्थापना के वर्षगांठ म आयोजित राज्योत्सव म 1 नवम्बर 2019 ल अलंकृत करे गए हे। मंत्री श्री अकबर ले चर्चा करत श्री मीर अली मीर ह छत्तीसगढ़ी भाखा के विकास बर राज्य शासन कोति ले करे जात काम मन उपर खुसी जताईन। ये बेरा म मंत्री श्री अकबर ले उमन मांग करिन के छत्तीसगढ़ी भाखा के साहित्यकार मन ल देश व्यापी पहिचान देवाए खातिर ए साहित्यकार मन के रचना मन के हिंदी भाखा म अनुवाद राज्य शासन कोति ले कराए जाए। उमन बताइन के देश के अलग-अलग भाषा मन के साहित्यकार मन के रचना मन के हिंदी म अनुवाद शासन कोति ले कराए गए हे।
