वर्ल्ड बैंक छत्तीसगढ़ सरकार के ’नरवा, गरवा, घुरूवा, बाड़ी’ योजना म करही मदद

  • मुख्यमंत्री ले वर्ल्ड बैंक के कंट्री हेड श्री जुनैद कमाल अहमद ह करिस मुलाकात
  • कृषि के नवा तकनीक के उपयोग अऊ उत्पादन वृद्धि ले जुड़े विषय मन उपर विचार-विमर्श

रायपुर, वर्ल्ड बैंक छत्तीसगढ़ सरकार के सुराजी गांव योजना ’नरवा, गरवा, घुरवा अऊ बाड़ी विकास योजना’ बर मदद देही। रायपुर के प्रवास म आए वर्ल्ड बैंक के कंट्री हेड श्री जुनैद कमाल अहमद ह आज बिहनिया इहां मुख्यमंत्री श्री भूपेश बघेल ले ऊंखर निवास कार्यालय म मुलाकात करिन। श्री अहमद ह मुख्यमंत्री श्री बघेल अऊ ये बेरा म उपस्थित कृषि मंत्री श्री रविन्द्र चौबे के संग छत्तीसगढ़ के कृषि के दृष्टि के कम विकसित क्षेत्र मन म नवा तकनीक के उपयोग ल बढ़ावा देहे अऊ कृषि उत्पादन म वृद्धि के उपाय मन ले जुड़े कई ठन विषय मन उपर विचार-विमर्श करिन।
मुख्यमंत्री ह श्री अहमद ल प्रदेश म कृषि आधारित अर्थव्यवस्था के पूरा विकास बर चालू करे गए सुराजी गांव योजना ’नरवा, गरवा, घुरवा अऊ बाड़ी विकास योजना’ के विस्तृत जानकारी दीन। श्री बघेल ह बताइन कि ये योजना म गांव वाले मन के स्वतःस्फूर्त सहयोग मिलत हे। श्री जुनैद ह खेती-किसानी के प्रगति बर शुरू करे गए ये योजना के सराहना करत छत्तीसगढ़ म ’नरवा, गरवा, घुरवा अऊ बाड़ी विकास योजना’, कृषि क्षेत्र के विकास अऊ कृषि आधारभूत संरचना मन बर वर्ल्ड बैंक के माध्यम ले हर-संभव सहयोग के भरोसा दीन।

लउछरहा..