रायपुर, प्रदेश के कृषि अऊ जल संसाधन मंत्री श्री रविन्द्र चौबे ह आज बेमेतरा प्रवास के समय कलेक्टोरेट सभाकक्ष म जिला स्तरीय अधिकारी मन के बैठक लेके विभागीय योजना अऊ कार्यक्रम मन के समीक्षा करिन। कृषि मंत्री ह कहिन कि शासन के मंशा के मुताबिक विकास कार्य मन ल समय सीमा म पूरा कराव ताकि शासन के जनकल्याणकारी योजना मन के समुचित लाभ जनता ल मिल सकय। कृषि मंत्री श्री चौबे ह बैठक म कहिन कि अधिकारी नियमित रूप ले फील्ड के दौरा करव एखर से व्यवस्था म सुधार आही। उमन जिला म सड़क मन के निर्माण अऊ रख-रखाव, स्वास्थ्य व्यवस्था ल बनेच बनाए के संगेच शासकीय योजना मन अऊ कार्यक्रम मन के लाभ जन सामान्य ल मुहैया कराए के निर्देश दीन। बैठक म विधायक बेमेतरा श्री आशीष कुमार छाबड़ा, नवागढ़-गुरूदयाल सिंह बंजारे, जिला पंचायत अध्यक्ष श्रीमती कविता साहू, कलेक्टर श्रीमती शिखा राजपूत तिवारी, पुलिस अधीक्षक प्रशांत ठाकुर अऊ जिला पंचायत के सीईओे प्रकाश कुमार सर्वे संग सबो विभाग मन के अधिकारी उपस्थित रहिन।
शासन के योजना मन के समुचित लाभ आम जनता ल मिलय : कृषि मंत्री श्री रविन्द्र चौबे कृषि मंत्री ह बैठक लेके शासकीय काम-काज के समीक्षा करिन
