- छत्तीसगढ़ी कलेवा के स्वाद के संग मनाए गीस हरेली तिहार
- परंपरागत खेल मन के घलोक आयोजन
- 42 गौठान मन के लोकार्पण
उत्तर बस्तर कांकेर, सावन महीना के पहिली तिहार हरेली ल जिला म परंपरागतढंग ले हर्षोल्लास के संग मनाए गीस। लोकस्वास्थ्य यांत्रिकी अऊ ग्रामोद्योग मंत्री अऊ कांकेर जिला के प्रभारी मंत्री गुरू रूद्र कुमार जिला मुख्यालय कांकेर म आयोजित हरेली तिहार म सामिल होइन। ये बेरा म छत्तीसगढ़ी खेलकूद फुगड़ी, बिल्ला, गेंड़ी दौड़, मटका फोड़, दौड़ आदि प्रतियोगिता के आयोजन करे गीस, जेखर शुभारंभ प्रभारी मंत्री ह करिन।
समारोह ल संबोधित करत प्रभारी मंत्री ह कहिन कि छत्तीसगढ़ के संस्कृति, परंपरा विलुप्त होवत रहिस जेखर संरक्षण अऊ संवर्धन बर मुख्यमंत्री श्री भूपेश बघेल के नेतृत्व म राज्य सरकार संकल्पित हे। हमला अपन संस्कृति ल बचाए रखना हे अऊ ओला आगू घलोक बढ़ाना हे। नरवा, गरवा, घुरवा अऊ बाड़ी योजना ले ग्रामीण अर्थव्यवस्था मजबूत होही अऊ मनखे मन ल रोजगार के अवसर मिलही अऊ खेत-खलिहान ल पानी मिलही।
