मुख्यमंत्री ले राज्य प्रशासनिक सेवा संघ के प्रतिनिधिमंडल ह करिस मुलाकात

रायपुर, मुख्यमंत्री श्री भूपेश बघेल ले आज बिहनिया इहां ऊंखर निवास कार्यालय म छत्तीसगढ़ राज्य प्रशासनिक सेवा संघ के प्रतिनिधिमंडल ह अध्यक्ष श्री आशुतोष पाण्डे के नेतृत्व म मुलाकात करिन। उमन अपन कई ठन मांग मन के सम्बन्ध म मुख्यमंत्री ल ज्ञापन संउपिन। मुख्यमंत्री ह उंखर मांग मन म सहानुभूतिपूर्वक विचार करे के आश्वासन दीन। प्रतिनिधिमंडल म छत्तीसगढ़ राज्य प्रशासनिक सेवा संघ के कोषाध्यक्ष श्री संदीप अग्रवाल, उपाध्यक्ष द्वय श्रीमती पूनम सोनी, श्री इंद्रजीत बरमन संग बहुत अकन पदाधिकारी अऊ सदस्य सामिल रहिन।

मुख्यमंत्री ह जयस्तंभ चौक म गणपति विसर्जन झांकी मन के पुष्प वर्षा करके स्वागत करिन

रायपुर, मुख्यमंत्री श्री भूपेश बघेल ह काल देर रात रायपुर के जयस्तंभ चौक म गणपति विसर्जन झांकी मन के पुष्प वर्षा करके स्वागत करिन। ये बेरा म विधायक श्री विकास उपाध्याय अऊ रायपुर नगर निगम के महापौर श्री प्रमोद दुबे संग बहुत अकन जनप्रतिनिधि अऊ श्रद्धालुगन अड़बड़ झन म उपस्थित रहिन।

समाज निर्माण म शिक्षक मन के अहम भूमिका : संस्कृति मंत्री श्री भगत

रायपुर, संस्कृति मंत्री श्री अमरजीत भगत ह कहिन हे कि शिक्षक मन के समाज निर्माण म अहम भूमिका होथे। श्री भगत आज राजधानी के आनंद समाज वाचनालय म आयोजित शिक्षक सम्मान समारोह ल संबोधित करत रहिन। उमन समारोह म शिक्षक-शिक्षिका मन ल पगड़ी पहिनाके, स्मृति चिन्ह अऊ प्रशस्ति पत्र प्रदान करके सम्मानित करिन। संस्कृति मंत्री ह कहिन कि पूर्व राष्ट्रपति भारत रत्न सर्वपल्ली डॉ. राधाकृष्णन के जन्मदिन ल शिक्षक दिवस के रूप म मनाए जाथे। उमन कहिन कि शिक्षक मन के सम्मान करना गौरव के बात हे। शिक्षक मन के…