Day: November 29, 2019

रायपुर, राज्यपाल सुश्री अनुसुईया उइके ले आज इहां राजभवन म श्रीमती सोनल कालरा ह सौजन्य मुलाकात करिन। श्रीमती कालरा ह राज्यपाल ल बताइन कि उमन कोलकाता म आयोजित मिसेस इंडिया इंटरनेशनल प्रतियोगिता म पहिली स्थान प्राप्त करिन अऊ मिसेस इंडिया इंटरनेशनल-2019 के खिताब अर्जित करे हें। राज्यपाल सुश्री उइके ह ओ मन ल बधाई अऊ शुभकामना दीन। ये बेरा म ऊंखर परिजन घलोक उपस्थित रहिन।

रायपुर, राज्यपाल सुश्री अनुसुईया उइके ले आज इहां राजभवन म कार्टूनिस्ट श्री त्रयम्बक शर्मा ह सौजन्य मुलाकात करिन। श्री शर्मा ह राज्यपाल ल बताइन कि पाछू दिन म फ्रांस म आयोजित कार्टूनिस्ट मन के सम्मेलन म ओ मन छत्तीसगढ़ के प्रतिनिधि के रूप म सामिल होए रहिन। जऊन म राज्यपाल ह ओ मन ल बधाई दीन। श्री शर्मा ह राज्यपाल ल कार्टून वॉच पत्रिका के प्रति भेंट करिन अऊ राजभवन म कार्टून उपर आधारित समारोह करे के आग्रह करिन।