Day: January 18, 2020

रायपुर, मुख्यमंत्री श्री भूपेश बघेल ह आज संझा राजधानी रायपुर स्थित गायत्री नगर म श्री जगन्नाथ मंदिर तीर अंगरेजी समाचार पत्र द पायोनियर के नवा राज्य कार्यालय के शुभारंभ करिस। मुख्यमंत्री श्री बघेल ह ये बेरा म द पायोनियर समाचार पत्र के सरलग बढ़ोतरी बर अपन बधाई अऊ शुभाकामना दीन। ये बेरा म द पायोनियर के स्थानीय संपादक श्री सुजीत कुमार ह मुख्यमंत्री के स्वागत करिस। शुभारंभ कार्यक्रम के अवसर म द पायोनियर समाचार पत्र के ब्यूरो चीफ, पत्रकार अऊ कर्मचारी संग वरिष्ठ नागरिक उपस्थित रहिन।

रायपुर, मुख्यमंत्री श्री भूपेश बघेल ह आज रात रायपुर के श्री रामकृष्ण अस्पताल जाके उहां इलाज बर भर्ती स्वतंत्रता संग्राम सेनानी अऊ रायपुर निवासी 92 वर्षीय पद्म श्री महादेव प्रसाद पाण्डेय ले मुलाकात करिन अऊ ऊंखर स्वास्थ्य के जानकारी लीन। श्री बघेल ह श्री पाण्डेय ल जल्दी स्वास्थ्य लाभ बर शुभकामना दीन। उमन अस्पताल के चिकित्सक मन ले श्री पाण्डेय ल बने इलाज के सुविधा देहे बर कहिन।