23 अगस्त के दिन दिल्‍ली म अंतर्राष्ट्रीय बौद्ध सम्मेलन

राष्ट्रपति श्री रामनाथ कोविंद 23 अगस्त, 2018 के दिन नई दिल्ली के विज्ञान भवन म अंतर्राष्ट्रीय बौद्ध सम्मेलन, 2018 के उद्घाटन करहीं। पर्यटन राज्य मंत्री (स्वतंत्र प्रभार) श्री के. जे. अल्फोंस उद्घाटन समारोह के अध्यक्षता करहीं। सम्मेलन के आयोजन पर्यटन मंत्रालय ह महाराष्ट्र, बिहार अऊ उत्तर प्रदेश के सरकार मन के सहयोग ले करे हे। सम्मेलन 26 अगस्त तक चलही। सम्मेलन के उद्घाटन सत्र के समय मंत्रालय अपन वेबसाइट landofbuddha.in के शुरुआत करही अऊ ए मौका म देश म बौद्ध स्थल मन के बारे म एक नवा फिल्म देखाए जाही। 24 ले 26 अगस्त, 2018 तक प्रतिनिधि मन ल औरंगाबाद, राजगीर, नालंदा, बोधगया अऊ सारनाथ ले जाए जाही।
सम्मेलन म बांग्लादेश, इंडोनेशिया, म्यांमार अऊ श्रीलंका के मंत्रिस्तरीय प्रतिनिधि हिस्सा लिहीं। ऑस्ट्रेलिया, बांग्लादेश, भूटान, ब्राजील, कम्बोडिया, कनाडा, चीन, फ्रांस, जर्मनी, हांगकांग, इंडोनेशिया, जापान, लाओ पीडीआर, मलेशिया, मंगोलिया, म्यांमार, नेपाल, नार्वे, सिंगापुर, दक्षिण कोरिया, स्लोवाक गणराज्य, स्पेन, श्रीलंका, ताइवान, थाइलैंड, ब्रिटेन, अमेरिका अऊ वियतनाम संग 29 देश मन के प्रतिनिधि ए सम्मेलन म हिस्सा लेंहीं।
पर्यटन मंत्रालय दू साल म एक पइत अंतर्राष्ट्रीय बौद्ध सम्मेलन के आयोजन करथे। एखर ले पहिली फरवरी, 2004 म नई दिल्ली अऊ बोधगया म, फरवरी 2010 म नालंदा अऊ बोधगया म, सितमबर 2012 म वाराणसी अऊ बोधगया म, सितमबर 2014 म बोधगया अऊ वाराणसी म अउर अकटूबर 2016 म सारनाथ/वाराणसी अऊ बोधगया म एकर आयोजन करे गए रहिस।
अंतर्राष्ट्रीय बौद्ध सम्मेलन के धार्मिक/आध्यात्मिक, शैक्षणिक, कूटनीतिक अउर व्यावसायिक महत्व हे। पर्यटन मंत्रालय ह बौद्ध धर्म ले जुड़े कई ठन पंथ, विद्वान, जन नेता, पत्रकार अऊ अंतर्राष्ट्रीय अउ घरेलू टूर ऑपरेटर मन ल आमंत्रित करे हे ताकि देश के बौद्ध सर्किट म दुनिया के आन भाग ले आवइया मनखे मन के संख्या बाढ़ सकय।
सम्मेलन म पर्यटन मंत्रालय अऊ राज्य सरकार अपन प्रस्तुति देंहीं। विद्वान अऊ भिक्षु मन के बीच विचार-विमर्श अऊ विदेशी अउ भारतीय टूर ऑपरेटर मन के बीच बैठक होही। मंत्रालय ह सम्मेलन के बेरा म निवेशक मन के सम्मेलन आयोजित करे के योजना बनाए हे ताकि विश्व स्तर के बौद्ध स्थल मन के निर्माण करे बर निवेश ल आकर्षित करे जा सकय।
भारत म समृद्ध प्राचीन बौद्ध स्थल हे जेमा ले बहुत अकन महत्वपूर्ण स्थल भगवान बुद्ध के जीवन ले जुड़े हे। एक अनुमान के अनुसार ए समय दुनिया भर म करीब 500 मिलियन बौद्ध हे जेमा ले अधिकांश पूर्वी एशिया, दक्षिण पूर्व एशिया अऊ सुदूर पूर्व देश मन म रहिथें। ओमां ले बहुत मामूली प्रतिशत हर साल भारत के बौद्ध स्थल मन ल देखे ल आथें। एखर सेती बौद्ध स्थल मन के यात्रा बर अऊ जादा पर्यटक मन ल प्रोत्साहित करे के संभावना हे।
प्राचीन भारत ह दुनिया ल बेशकीमती तोहफा के रूप म बुद्ध अऊ उंखर देखाय रस्‍ता देहे हे। भगवान बुद्ध के असाधारण शिक्षा, शान्ति, खुशहाली अऊ सौहार्द के संदेश देथे। दुसर तरफ ये बौद्ध विरासत के आठ महान स्थान मन ल दर्शाथे। ए आठों स्थान मन के संबंध भगवान बुद्ध के जीवन के महत्वपूर्ण घटना, ऊंखर जन्म, ज्ञान, पीडि़त मानवता बर धम्म शिक्षा अऊ ऊंखर महापरिनिर्वाण ले हे।

लउछरहा..