राजस्थान अउ तेलंगाना म चुनाव प्रचार तेज़

ज़बरदस्त चुनाव प्रचार के बीच राजस्थान अउ तेलंगाना म राजनैतिक दल मन के बीच ज़ुबानी जंग जारी हे। प्रधानमंत्री नरेंद्र मोदी आज राजस्थान म करिन चुनावी रैली। कांग्रेस अध्यक्ष के घलोक आज राज्य म चुनावी जनसभा होइस। राजस्थान म घलोक विधानसभा चुनाव बर प्रचार तेज हो गए हे। राज्य म अवइया महीना के सात तारीक को एके चरण म वोट डाले जाही। प्रधानमंत्री नरेंद्र मोदी आज राजस्थान म अपन जनसभा करिन। प्रधानमंत्री ह काल राजस्थान के अलवर म घलोक एक चुनावी रैली ल संबोधित करे रहिन। उमन कांग्रेस उपर हमला बोलत कहिन के ऊंखर तिर कोनो मुद्दा नइ हे। प्रधानमंत्री ह कांग्रेस उपर सांप्रदायिक राजनीति करे के आरोप लगाइन। उमन कहिन कांग्रेस के विकास म कोनो रूचि नइ हे।
ए अवसर म भाजपा नेता राज्यवर्द्धन राठौड़ ह कांग्रेस उपर निशाना साधत कहिन के देश के अलग अलग राज्य मन म सरलग होवत हार ल देखत कांग्रेस हताश अऊ निराश हे, ते खातिर समाज ल जाति म बांटे के काम करत हे। बसपा प्रमुख मायावती ह घलोक राजस्थान के सवाई माधोपुर म एक चुनावी रैली ल संबोधित करिस। उमन कानून व्यवस्था के मुद्दा म राज्य सरकार ल घेरे के कोसिस करिन। कांग्रेस अध्यक्ष राहुल गांधी घलोक आज राज्य म चुनावी रैली ल संबोधित करिन। ओती भारतीय जनता पार्टी अध्यक्ष अमित शाह ह काल तेलंगाना के वारंगल म एक चुनावी रैली ल संबोधित करिन। उमन तेलंगाना सरकार म राज्य म केंद्र के आयुष्मान भारत योजना ल जानबूझ के लागू नइ करे के आरोप लगाइन। तेलंगाना म सात दिसंबर को विधानसभा चुनाव बर मतदान होना हे।

Related posts