कालोनी अऊ टाउनशिप के विकास बर अब सबो प्रकार के अनुमति मिलही ‘सिंगल विन्डो सिस्टम‘ ले

Surabhi Tiwari
  • मुख्यमंत्री श्री बघेल ह मध्यमवर्गीय परिवार मन ल दीन बड़का राहत
  • कलेक्टर कार्यालय म सिंगल विन्डो सिसटम ले मिलही सबो संबंधित विभाग मन के अनापत्ति अऊ अनुमति
  • मुख्यमंत्री ह गृह अऊ पर्यावरण विभाग ल एक महिना म विस्तृत आदेश जारी करे के दीन निर्देश

रायपुर, मुख्यमंत्री श्री भूपेश बघेल ह मध्यमवर्गीय परिवार मन के मकान के सपना साकार हो सकय एखर खातिर कालोनी अऊ टाउनशिप के विकास development of the township n Colony  बर अब सबो प्रकार के अनुमति अऊ अनापत्ति प्रमाण पत्र एकल विन्डों सिसटम ले देहे के निर्देश दीए हें। कलेक्टर कार्यालय म सिंगल विन्डो सिसटम ले राजस्व, नगरीय प्रशासन अऊ टाउन प्लानिंग आदि आन सबो विभाग मन ले संबंधित सबो प्रकार के अनुमति अऊ अनापत्ति प्रमाण पत्र दीए जाही। मुख्यमंत्री श्री भूपेश बघेल ह एखर खातिर गृह अऊ पर्यावरण विभाग ल एक महिना के भीतर विस्तृत आदेश जारी करे ल कहे हें।

हम आप ल बता देवन कि बिल्डर्स एसोसिएशन ‘क्रेडाई‘ के सदस्य मन कोति ले मुख्यमंत्री ले भेंट करके ये जानकारी देहे गीस के अभी हाल म कोनो कालोनी अऊ टाउनशिप के विकास बर राजस्व, नगरीय प्रशासन, टाउन प्लानिंग आदि कई ठन विभाग मन ले अलग-अलग अनापत्ति अऊ अनुमति लेहे म 2 ले 3 साल के समय लग जाथे। जेखर से लागत बाढ़थे अऊ एकर सीधा भार मध्यमवर्गीय परिवार मन उपर परत हे।

मुख्यमंत्री श्री भूपेश बघेल ह ये समस्या के निराकरण बर गृह अऊ पर्यावरण विभाग ल नोडल विभाग घोषित करे के संगेच सबो जरूरी स्वीकृति प्रदान करे बर जिला कलेक्टर मन ल अधिकृत करे ल कहिन। एखर बर हर एक कलेक्टर कार्यालय म अपर कलेक्टर ल नोडल अधिकारी बनाए जाही। जिहां बिल्डर सबो विभाग मन ले संबंधित आवेदन एकल विन्डों म प्रस्तुत करहीं। इहां आवेदन मन ल पंजी म दर्ज करके संबंधित विभाग मन ल प्रेषित करे जाही। कलेक्टर हर हफ्ता समय-सीमा के बैठक म ए लंबित प्रकरण मन के समीक्षा करहीं अऊ जादा ले जादा तीन महिना के भीतर सबो प्रकार के अनुमति एकल विन्डों सिसटम ले अपर कलेक्टर के माध्यम ले संबंधित ल प्रदान कर दे जाही।

लउछरहा..