अम्बिकापुर, मुख्यमंत्री श्री भूपेश बघेल कोति ले किसान मन के हित मन ल धियान म रखके कृषि प्रबंधन उपर आधारित नरवा, गरवा, घुरवा अऊ बाड़ी योजना के पूरा हिरदे ले अउ लउहे क्रियानवयन करे जात हे। अन्नदाता किसान मन के कृषि काम म मवेशी मन के महत्वपूर्ण भूमिका होथे। ए बात ल दृष्टिगत रखके गांव म गौठान बनाये जात हे। गौठान म पालतू गोवंशीय अउ भैंसवंशीय पशु मन के खानपान म विशेष ध्यान देवत गांव के तीर के भू-भाग म शेड़ बनवाये जात हे, जिहां मवेशी मन के खाए-पीए के बढि़या प्रबंधन करे जात हे।
गौठान क्षेत्र म चारगाह विकसित करे जात हे ताकि पशु मन ल अच्छा गुणवत्ता के चारा मिल सकय। गौठान क्षेत्र म नेपीयर घास के उत्पादन घलोक करे जात हे। संगे च गौठान म शेड, गौठान म नापेड़ टाका, मचान, वर्मीकम्पोस्ट टैंक, अंजोला टैंक अउर सिंचाई बर ड्रिप सिसटम घलोक लगाइण् जात हे। एखरे संग पेयजल के व्यवस्था खाद, उत्पादन अउ पशु चारा के उत्तम प्रबंध करे जात हे। सरगुजा जिला म कलेक्टर डॉ सारांश मित्तर के मार्गदर्शन म आठ आदर्श गौठान संग कुल 67 गौठान विकसित करे जात हे। गौठानों के विकसित होए ले किसान मन कोति ले साग-भाजी के के बढि़या उत्पादन हो सकही।
