आबकारी मंत्री श्री लखमा ह अंगारमोती माता के करिस दर्शन

रायपुर, प्रदेश के वाणिज्यकर (आबकारी) अउ उद्योग मंत्री श्री कवासी लखमा ह आज भिनसरहा धमतरी के गंगरेल स्थित मां अंगारमोती मंदिर पहुंचके देवी के दर्शन करिन अउ प्रदेश के जनता के खुशहाली अउ समृद्धि बर आशीर्वाद मांगिन।
वाणिज्यिक कर मंत्री श्री लखमा आज रायपुर ले प्रस्थान करके भिनसरहा सपरिवार अंगारमोती माता के मंदिर परिसर म पहुंचिन। ए दौरान उमन परिसर के भ्रमण करके मंदिर के इतिहास ले जुड़े जानकारी लीन। एखर पाछू अंगारमोती मंदिर ट्रस्ट के पदाधिकारी मन ले भेंट करके उंखर कई ठन मांग मन म सकारात्मक चर्चा करिन। एकर बाद उमन पर्यटन बोर्ड कोति ले तैयार करे वुडन हट अऊ वॉटर स्पोर्ट्स के अवलोकन करिन। ए अवसर म कलेक्टर डॉ. से.आर. प्रसन्ना, पुलिस अधीक्षक श्री बालाजी राव संग कई ठन विभाग मन के अधिकारीगण उपस्थित रहिन।

लउछरहा..