रायपुर, छत्तीसगढ़ राज्य महिला आयोग कार्यालय म कुटुंब परामर्श केन्द्र शुरू करे जाही। महिला अउ बाल विकास मंत्री श्रीमती अनिला भेंड़िया ह आज छत्तीसगढ़ राज्य महिला आयोग के सम्मिलन के बैठक म ए संबंध म निर्देश दीन। श्रीमती भेंड़िया ह आयोग के नियमित कामकाज के समीक्षा करत महिला मन ले संबंधित होवइया अपराध मन के निरंतर समीक्षा ऊपर बल देवत जल्दी कार्रवाई के निर्देश दीन। उमन समय-समय म महिला मन ऊपर होवइया अत्याचार अउ अपराध मन के जानकारी सकेले बर घलोक कहिन। बैठक म आयोग के सदस्य श्रीमती खिलेश्वरी किरण अऊ श्रीमती पदमा चन्द्राकर उपस्थित रहिन।
मंत्री श्रीमती भेंड़िया ह दीन निर्देश : छत्तीसगढ़ राज्य महिला आयोग कार्यालय म शुरू होही कुटुंब परामर्श केन्द्र
