अंतर्राष्ट्रीय संग्रहालय दिवस म महंत घासीदास संग्रहालय म व्याख्यान कार्यक्रम

रायपुर, राज्य सरकार के संस्कृति अउ पुरातत्व संचालनालय कोति ले 18 मई 2019 के दिन 11 बजे महंत घासीदास स्मारक संग्रहालय, रायपुर म ‘अंतर्राष्ट्रीय संग्रहालय दिवस‘ के अवसर म व्याख्यान कार्यक्रम के आयोजन करे गए हे। भारतीय पुरातत्व सर्वेक्षण, रायपुर मण्डल के सहयोग ले आयोजित होवत ए कार्यक्रम के मुख्य अतिथि भारतीय पुरातत्व सर्वेक्षण नवा दिल्ली के पहिली संयुक्त महानिदेशक डॉ. एस.बी. ओटा होहीं। कार्यक्रम के अध्यक्षता संस्कृति विभाग के सचिव डॉ. एम. गीता करहीं। पद्मश्री सम्मान प्राप्त श्री ए.के. शर्मा कार्यक्रम के विशिष्ट अतिथि होहीं।



ए अवसर म डॉ. एस.बी. ओटा संग भारतीय पुरातत्व सर्वेक्षण के सेवानिवृत्त पुरातत्ववेता डॉ. एस.एस. गुप्ता (भोपाल) अऊ पुरातत्व संस्थान नई दिल्ली के निदेशक डॉ. एस.के. मंजुल के व्याख्यान होही। व्याख्यान सत्र के अध्यक्षता भिलाई के डॉ. ए.एल. श्रीवास्तव करहीं। कार्यक्रम म बहुत अकन इतिहासकार, पुरातत्ववेता, विश्वविद्यालय अउ महाविद्यालय मन के इतिहास अउ पुरातत्व विभाग के प्राध्यापक, शोधार्थी संग जिला पुरातत्व संघ मन के सदस्य अउ संग्रहालय, संस्कृति म रूचि रखइया प्रबृद्ध नागरिक संग संस्कृति विभाग, मंहत घासीदास संग्रहालय अउ भारतीय पुरातत्व सर्वेक्षण रायपुर मंडल के अधिकारी-कर्मचारी संघरहीं।




संस्कृति अउ पुरातत्व संचालनालय के आयुक्त श्री अनिल कुमार साहू ह बताइस कि ए आयोजन के मुख्य उद्देश्य एक सांस्कृतिक केन्द्र अऊ भविष्य म परम्परा मन के संवाहक के रूप म संग्रहालय मन के महत्व अउ उपादेयता के प्रति सर्वजन म जागरूकता के विकास अउ प्रसार करना अऊ सांस्कृतिक अउ प्राकृतिक धरोहर मन के महत्व, उंखर स्वच्छता, सुरक्षा अऊ संरक्षण के प्रति सबो म उत्तरदायित्व के भावना के विकास करना हे।

लउछरहा..