चुनाव के पहिली भाजपा ल पोटरइया 16 साहेब मन छोड़ दीन पार्टी

आप मन सब जानत होहू के विधानसभा चुनाव के बेरा म भाजपा के सियान अमित शाह के आघू रिटायर्ड डीजी राजीव श्रीवास्तव के अगुवई म पुलिस अधिकारी मन ह भाजपा के सदस्यता लेहे रहिन। पेपर म छपे समाचार के मुताबिक पुलिस के ये 16 साहेब मन ह भाजपा के प्राथमिक सदस्यता ले इस्तीफा दे देहे हें। येमन म रिटायर्ड डीजी राजीव श्रीवास्तव, रिटायर्ड आइएएस आरसी सिन्हा, एनकेएस ठाकुर, विमल चंद गुप्ता, एनटीपीसी के पहिली महाप्रबंधक एचके धागमवार, पूर्व वन अधिकारी आरके तिवारी, बंशीलाल कुर्रे, आरके शर्मा, भोजेंद्र उइके, प्रदीप मिश्रा,…

छेरी के चरे अउ राजा के धरे, न उल्हिस न उल्होवय

नरवा, गरूवा, घुरवा, बारी, छत्तीसगढ़ के हे चिन्हारी जनता अपन समझ के नइ जुरही त, सरकार ल परही भारी धर्मेन्‍द्र निर्मल के सार समाचार, नदिया मन के दुर्दशा उपर चिंता करत मुख्यमंत्री भूपेश बघेल कहिन कि बीते बछर म उपेक्षापूर्ण नीति के चलत नदिया मन म मनमाड़े अतिक्रमण बाढ़े हे। नदिया मन के ए दुर्दशा ल कोनो भी उदीम करके थामेच् ल परही। भूपेश बघेल एहि बात ल लेके 31 मई तक जोरदरहा कार्ययोजना बनाए के निर्देश मुख्य सचिव ल दिए हें। मुख्यमंत्री भूपेश बघेल कहिन के राज्य के नदिया…

बेलासपुर म महाकवि कपिलनाथ कश्यप जयंती अउ सम्मान समारोह सम्पन्न

बिलरसपुर, छत्तीसगढ़ के महाकवि कपिलनाथ कश्यप जी के 113 वीं जयंती माइ पहुना डॉ डी पी अग्रवाल समाजसेवी अउ डॉ विनय कुमार पाठक पूर्व अध्यक्ष छत्तीसगढ़ राजभाषा आयोग के अध्यक्षता मा बिलासपुर म सम्पन्न होइस। ए मउका मा डॉ परदेशी राम वर्मा कहानीकार अउ समीक्षक भिलाई ल ‘छत्तीसगढ़ विभूति अलंकरण’ अउ संजीव तिवारी साहित्यकार संपादक वेब पोर्टल गुरतुर गोठ दुर्ग ल ‘महाकवि कपिलनाथ कश्यप साहित्य सम्मान’ अतिथी मन दुआरा देहे गइस। संगे – संग महाकवि रचित ‘छत्तीसगढ़ी रामायन’ के विमोचन अउ उंखर गीत ला डॉ जगदिश कुलदीप, श्री नारायण चंद्राकर…

इंस्पेक्टरिन ह अपन पति ल मारिस गोली

भाटापारा रेलवे स्टेशन म पदस्थ आरपीएफ के एक महिला इंस्पेक्टर ह अपन पति ल गोली मार देहे हे। समाचार पत्र मन ले मिले जानकारी के मुताबिक आरोपी महिला एसआई के नाव सुनीता मिंज हे अऊ ओकर पति आरपीएफ के इंस्पेक्टर के नाव दीपक श्रीवास्तव हे। दूनो मन कुछेक समे पहिली प्रेम बिहाव करे रहिन, दुनों अलग-अलग जगह पदस्थ रहिन। बिहाव के बाद उन दूनो म कुछू मनमुटाव हो गए रहिस। बताए जात हे के इही बीच सुनीता के कोनो अऊ के संग प्रेम संबंध हो गए सहिस। बताथें के दुनों…

बीएसपी कर्मचारी मन ल केंद्र सरकार के इनाम, कई साल ले लंबित पेंशन स्कीम ल मिलिस मंजूरी

भारत सरकार के इस्पात मंत्रालय ह महारत्न कम्पनी मन बर कई साल ले लंबित पेंशन स्कीम ल मंजूरी दे देहे गए हे। ये स्कीम भारत के सबो महारत्न कम्पनी मन म लागू होही। हरिभूमि के मुताबिक बीएसपी म काम करईया अऊ साहेब मन बर राहत के खबर हे। ए स्कीम के लागू होए के बाद भिलाई इस्पात सयंत्र के करीबन 25 ले 30 हजार रिटायर कर्मी मन अऊ अफसर मन ल लाभ मिल सकही। एखर बर एनजेसीएस के सब – कमेटी घलोक गठित करे गए हे। प्रबन्धन ह अधिकारी मन…

भूपेश दाउ के ट्वीटर चुलकउनी म करजा-बोड़ी के गोठ

लोकसभा चुनाव के गुड़दुम बाजे के संगेच हमर प्रदेश म घलव पार्टी मन म खींचा-तान शुरु गए हे। आज बिहाने मुख्‍यमंत्री भूपेश बघेल ह ट्वीट करके प्रधान मंत्री मोदी अऊ केंद्र सरकार उपर निशाना साधत लिखिन के हमने तो प्रेस कॉन्फ्रेंस कर के अपना 60 दिनों का रिपोर्ट कार्ड पेश कर दिया। क्या मोदी जी में हिम्मत है कि वे प्रेस कॉन्फ्रेंस कर अपने 60 महीनों का रिपोर्ट कार्ड पेश करेंगे? — Bhupesh Baghel (@bhupeshbaghel) March 11, 2019 अब उंखर ये गोठ उपर ट्वीटर बीर मन उधारी-बाढ़ी संग रंग-रंग के…

मुुंहु फारे आवत हावय कोकड़ा कि मछरी फसउल के दिन आगे

तीन चरण म होही प्रदेश में चुनइ, पहिली म बस्तर, त तिसरइया चरण म दुर्ग संग 7 सीट बर परही वोट धर्मेन्‍द्र निर्मल के सार समाचार, छत्तीसगढ़ म तीन चरण म लोकसभा चुनई होही। 11 अप्रैल, 18 अप्रैल अउ 23 अप्रैल के छत्तीसगढ़ म चुनई कराए जाही। छत्तीसगढ़ के 11 लोकसभा सीट में ले 11 अप्रैल के सिरिफ एक सीट बस्तर लोकसभा खातिर वोटिंग होही। उहेंचे 18 अप्रैल के तीन लोकसभा सीट कांकेर, राजनांदगांव अउ महासमुंद बर वोट डारे जाही। जबकि 23 अप्रैल के 7 लोकसभा सीट बर वोटिंग होही।…

जनकवि कोदूराम “दलित” जी के 109 वाँ जयंती : छत्तीसगढ़ के परम्परा अउ संस्कृति के प्रमान

आज सुख-सुविधा के नवा दौर मा जिहाँ पढ़े-लिखे बेटा मन अपन जीयत-जागत बाप ला नइ सरेखें उहाँ छत्तीसगढ़ के नानकुन गाँव टिकरी (अर्जुन्दा) के ग्रामवासी मन जब अपन गाँव के माटी मा 109 बछर पहिली एक किसान परिवार मा जन्मे कवि कोदूराम “दलित” के सुरता मा कविसम्मेलन के आयोजन करहीं त छत्तीसगढ़ के परम्परा अउ संस्कृति ऊपर भरोसा कइसे नइ होही? छत्तीसगढ़िया मन के अइसन बिसेसता दुनिया भर मा बिरला देखे बर आही। 05 मार्च 2019 के बालोद जिला के नानकुन गाँव टिकरी हर, जनकवि कोदूराम “दलित” जी के सुरता…

भगवान के मुहु नइ फूलय भगत के हाथ गोड़ भले फूल जथे

15 साल से भूईंया के मुआवजा खातिर भटकत हे जशपुर के किसान धर्मेन्‍द्र निर्मल के सार समाचार, छत्तीसगढ़ म जशपुर जिला म खमगड़ा बांध बांधे गे हे जेकर निर्माण ह पन्द्रा बछर होगे। बांधा बंधाए के बाद ओ परियोजना म सैकड़ा भर किसान के खेत ह पानी म बूड़ जाथे। उहां के जमीन बूड़े के बाद सरकार ह अंदाजन दू दर्जन किसान मन ल मुआवजा दिस होही। बांधा ले प्रभावित किसान मन के कहना हे कि मुआयजा प्रकरण बनाए म बड़ धांधली होए हवय। हमन ल पन्द्रा बछर होगे मुआवजा…

कौशिक हटगे, उसेण्डी सटगे, समझ आदिवासी मतदाता मन पटगे

लोकसभा चुनई के पहिली भाजपा संगठन म बड़का बदलाव, कौशिक ल हटाके विक्रम उसेण्डी ल बनाइस प्रदेश अध्यक्ष धर्मेन्‍द्र निर्मल के सार समाचार, भाजपा के राष्टृीय अध्यक्ष अमित शाह ह अपन रायपुर दौरा के चोबिसे घण्टा के भीतर छत्तीसगढ़ के संगटन म बड़का बदलाव करे हे। उन मन धरमलाल कौशिक के जगा कांकेर के सांसद विक्रम उसेण्डी ल नवा प्रदेश अध्यक्ष बनाए हे। विधानसभा चुनई म अड़सठ सीट म करारी हार के बाद भाजपा संगठन म प्रदेश के अध्यक्ष ल हटाए के भारी भरकम दबाव रिहिसे। हालेके लोकसभा चुनई ल…