बेमउसम बरसा ले फसल नुकसान के पता लगाए बर तुरते कार्यवाही करव: कृषि मंत्री श्री रविन्द्र चौबे

रायपुर, कृषि मंत्री श्री रविन्द्र चौबे ह आज नवा रायपुर स्थित मंत्रालय म बैठक लेके प्रदेश म पाछू दू दिन ले होवत बेमउसम बरसा ले फसल नुकसान के आकलन करे बर कृषि अऊ उद्यानिकी विभाग के अधिकारी मन ल मैदानी स्तर म तुरंते कार्यवाही करे के निर्देशित करे हें। उमन कहिन कि जिहां कटाई के बाद खेत म फसल सूखाए बर रखे गए रहिस उहां फसल के नुकसान होए के संभावना जादा हे। कृषि मंत्री कोति ले सोयाबीन फसल अऊ आन फसल जइसे धान अऊ साग-सब्जी आदि के क्षति के आकलन करे के निर्देश देहे गए हे। उमन प्रधानमंत्री फसल बीमा योजनांतर्गत कृषक मन ल नियमानुसार लाभान्वित करे बर जरूरी कार्यवाही करे बर अधिकारी मन ल निर्देश देहे हें। श्री चौबे ह विशेष सचिव कृषि ल फसल क्षति के आकलन बर जिला के कलेक्टर मन ले चर्चा करे के तको निर्देश देहे हें।

लउछरहा..