प्रभारी मंत्री ह 09 दिव्यांगजन मन ल बांटिन मोटराइज्ड ट्रायसिकल

बेमेतरा, प्रदेश के महिला अऊ बाल विकास, समाज कल्याण मंत्री अऊ बेमेतरा जिला के प्रभारी मंत्री श्रीमती अनिला भेड़िया अऊ कृषि मंत्री श्री रविन्द्र चौबे ह आज संझा इहां कलेक्टोरेट परिसर म 09 निःशक्तजन मन ल मोटराइज्ड ट्रायसिकल बांटिन अऊ अपन शुभकामना दीन। एमां देवकर के दूजराम गोंड़, ग्राम कुसमी पोस्ट बावामोहतरा के रामचरण यादव अऊ शेखर देवांगन, पतोरा तहसील साजा के रमउ साहू, सोनिका पारा मारो के अमृत कोशले, ग्राम मोतिमपुर पोस्ट बाधुल के कन्हैया लाल, ग्राम तिरिया भाठ के गोकुल सतनामी, ग्राम टिपनी के लता साहू पेण्ड्रावन सहसपुर के कुमार पटेल सामिल हे। ये बेरा म विधायक बेमेतरा आशीष कुमार छाबड़ा, नवागढ़ विधायक गुरूदयाल सिंह बंजारे, कलेक्टर श्रीमती शिखा राजपूत तिवारी, जिला पंचायत के मुख्य कार्यपालन अधिकारी प्रकाश कुमार सर्वे उपस्थित रहिन।