छत्तीसगढ़ के बेमेतरा जिला के ग्राम मटका के महामाया स्व-सहायता समूह के बहिनी मन पेन बना के अपन भविष्य गढ़त हें। ए महिला मन ह ‘जहां चाह वहां राह’ के कहावत ल चरितार्थ कर देखाये हें। ये महिला स्व-सहायता समूह राष्ट्रीय ग्रामीण आजीविका मिशन बिहान के अंतर्गत 2019 म पंजीकृत होये हे। समूह के महिला मन ह जब जिला के कलेक्टर महादेव कावरे ल समूह कोति ले बनाए पेन भेंट करिस, त जिला कलेक्टर ह न केवल हिरदे ले ओ मन ल धन्यवाद दीन, भलुक उंखर ए सुग्घर पहल बर समूह के सबो महिला मन ल बधाई दीन।
/pagead2.googlesyndication.com/pagead/js/adsbygoogle.js”>
एखर ले पहिली ये समूह पाछू सात बछर ले बैंक ले करजा लेके खेती-किसानी के काम करत अपन आजीविका गुजारा करत रहिन। पेन बनई सुरू करे संगें-संग उमन अपन आजीविका ल नवा नवा रद्दा देहे हें। ए समूह म 10 महिला सामिल हें। जेमा श्रीमती चित्ररेखा यदु, सुमित्रा विश्वकर्मा, डगेश्वरी यदु, अउ आन महिला मन रूचि लेके समूह के काम ल आगू बढ़ावत हें।
पेन बना केअपन भविष्य गढ़त हे महिला समूह
