इंस्पेक्टरिन ह अपन पति ल मारिस गोली

भाटापारा रेलवे स्टेशन म पदस्थ आरपीएफ के एक महिला इंस्पेक्टर ह अपन पति ल गोली मार देहे हे। समाचार पत्र मन ले मिले जानकारी के मुताबिक आरोपी महिला एसआई के नाव सुनीता मिंज हे अऊ ओकर पति आरपीएफ के इंस्पेक्टर के नाव दीपक श्रीवास्तव हे। दूनो मन कुछेक समे पहिली प्रेम बिहाव करे रहिन, दुनों अलग-अलग जगह पदस्थ रहिन। बिहाव के बाद उन दूनो म कुछू मनमुटाव हो गए रहिस।
बताए जात हे के इही बीच सुनीता के कोनो अऊ के संग प्रेम संबंध हो गए सहिस। बताथें के दुनों ल आपत्तिजनक हालत म दीपक ह देख लीस। उंखर बीच होए कहा-सुनी म सुनीता ह अपन पति ल गोली मार दीस। पुलिस ह फिलहाल आरोपित महिला ल गिरफ्तार कर लेहे हे अऊ मामला के जांच करत हे।

लउछरहा..