रायपुर, राजभवन म आज राज्यपाल के परिसहाय श्री भोजराम पटेल के कांकेर पुलिस अधीक्षक के पद म पदस्थ होए म ओ मन ल भावभीनी विदाई दिए गीस। राज्यपाल सुश्री अनुसुईया उइके अऊ पुलिस महानिदेशक श्री डी. एम. अवस्थी ह श्री पटेल ल प्रमोशन बैच लगाइस। राज्यपाल ह ऊंखर उज्ज्वल भविष्य के कामना करत कहिन कि श्री पटेल ह राजभवन म ए.डी.सी. के रूप म उत्कृष्ट सेवा प्रदान करे हे। मैं आशा करथंव के ओ ह पुलिस अधीक्षक के रूप म घलोक जनता के समर्पित भाव ले सेवा करत रइही अऊ सरलग प्रगति करत रइही। ये बेरा म राज्यपाल के सचिव श्री सोनमणि बोरा, विधिक सलाहकार श्री एन. के. चन्द्रवंशी, राज्यपाल के परिसहायद्वय श्री अनंत श्रीवास्तव अऊ श्री त्रिलोक बंसल उपस्थित रहिन।
