पत्रकार मन जिम्मेदारी ले शासन के आघू समाज के समस्या मन ल आगू लाथें – श्री भूपेश बघेल

रायपुर, मुख्यमंत्री श्री भूपेश बघेल ह काली संझा रायपुर प्रेस क्लब म वरिष्ठ पत्रकार मन ल चिनहा देके सम्मानित करिन। उमन कहिन के जिम्मेदारी ले अऊ बहुत काम के दबाव के बीच पत्रकार साथी समाज के समस्या मन ल शासन के आगू लाथें। आज समाचार भेजे के तुरतुरी अउ बदलत मीडिया के सरूप अउ समाचार मन के तेज गति ल देखत पत्रकारिता म पहिली ले जादा काम के दबाव बाढ़े हे।
कार्यक्रम म मुख्यमंत्री श्री बघेल ह रायपुर प्रेस क्लब के वरिष्ठ पत्रकार सर्वश्री जयशंकर प्रसाद शर्मा ’नीरव’, सुहास राजिमवाले, शेषकरण जैन, एम.ए.जोसेफ, आसिफ इकबाल, शंकर पाण्डेय, कौशल किशोर मिश्र के सम्मान करिन। कार्यक्रम म स्कूल शिक्षा मंत्री डॉ. प्रेमसाय सिंह टेकाम, नगरीय प्रशासन मंत्री डॉ. शिव कुमार डहरिया, विधायक अउर पूर्व मंत्री श्री बृजमोहन अग्रवाल, विधायक श्री विनोद चन्द्राकर महापौर श्री प्रमोद दुबे उपस्थित रहिन।
ए अवसर म प्रेस क्लब के महासचिव श्री प्रशांत दुबे, उपाध्यक्ष श्री प्रफुल्ल ठाकुर, कोषाध्यक्ष शगुफ्ता शीरीन, संयुक्त सचिव अंकिता शर्मा अऊ गौरव शर्मा ह अतिथि मन के स्वागत करिन। कार्यक्रम के चालू म मुख्यमंत्री ह दीप प्रज्जवलित करके कार्यक्रम के शुभारंभ करिन।