रायपुर, मुख्यमंत्री श्री भूपेश बघेल काल रात राजधानी रायपुर म कई ठन सार्वजनिक समिति मन कोति ले शारदीय नवरात्र पर्व म आयोजित गरबा महोत्सव म सामिल होइन अऊ आयोजक अऊ श्रद्धालु मन ल बधाई अऊ शुभकामना दीन। उमन मां दुर्गा के पूजा-अर्चना करके प्रदेशवासी मन के सुख-समृद्धि अऊ खुशहाली के कामना करिन। मुख्यमंत्री श्री भूपेश बघेल ह माना म मां काली के पूजा अर्चना के बाद ललित महल म पत्रिका समाचार पत्र कोति ले आयोजित डांडिया उत्सव अऊ अंबुजा माल परिसर म नवभारत समाचार ग्रुप कोति ले आयोजित गरबा डांडिया रास महोत्सव म सामिल होके आयोजक अऊ श्रद्धालु मन के उत्साहवर्धन करिन।
श्री बघेल एखर बाद राजधानी रायपुर के फाफाडीह, भनपुरी म श्री पाटीदार समाज कोति ले आयोजित नवरात्रि महोत्सव म सामिल होइन। मुख्यमंत्री श्री बघेल ये बेरा म देवेंद्रनगर म रेसीडेंट्स एसोसिएशन कोति ले आयोजित गरबा महोत्सव म घलोक सामिल होइन। ये बेरा म विधायक श्री सत्यनारायण शर्मा, विधायक श्री कुलदीप जुनेजा, विधायक श्री विकास उपाध्याय संग बड़ संख्या म श्रद्धालुगण उपस्थित रहिन ।
