कड़ा मेहनत ले होथे तियार उज्जर भविष्य के नींव – डॉ अलंग

मेरिट सूची म आये हुसियार मन के कलेक्टर करिस सम्मान

बिलासपुर, धमेन्‍द्र निर्मल के सार समाचार, कलेक्टर डॉ. संजय अलंग ह इहां कलेक्टोरेट स्थित अपन कार्यालय म हुसियार छात्र-छात्रा मन के सम्मान करिन। उन मन कहिन कि कड़ा मेहनत लेे ही उज्जर भविष्य के नेह तैयार होथे अउ मेहनत के कोनो विकल्प नइ होवय। डॉ अलंग ह माध्यिमिक शिक्षा मंडल डाहर ले जारी करे गेे 10वीं अउ 12वीं के परिणाम म जिला ले मेरिट सूची मे आये पढ़इया मन ल फूल के गुच्छा देके उन मन ल
बधई दीन। उन मन मेरिट म आये जम्मो हुसियार जइका मन ल प्रेरक पुस्तक मन के सेट प्रदान करिन अउ मुंह मीठा कराइन। उन मन कक्षा 10वीं म राज्य मेरिट सूची म आठवां स्थान म आए कुमारी मानवी कौशिक कक्षा 12वीं म तीसरा स्थान म कुमारी विनीता पटेल अउ चैथा स्थान म रहे कुमारी क्षमा देवी राजपूत ल
शुभकामना देेके उज्जर भविष्य के कामना करिन।


ush({});

कलेक्टर ह हुसियार छात्र-छात्रा मन के दाई ददा अउ गुरूजी मन ल तको बधई दीन अउ कहिन कि लइका के सफलता म उन्करो महत्वपूर्ण योगदान हवय। ए बेरा म जिला पंचायत सीईओ श्री रीतेश अग्रवाल, अपर कलेक्टर श्री बी एस उइके, जिला शिक्षा अधिकारी श्री आर एन हीराधर, संयुक्त संचालक समाज कल्याण श्री एच खलको, श्री आर के पाठक, श्रीमती बबीता कमलेश, श्री सुनील मिश्रा, श्री प्रशांत मोकाशे, श्री संतोष देवांगन अउ अभिभावकगण उपस्थित रहिन।



चटकारा
डोकरी दाई:- कतको पढ़ लौ रे बेटा! कइसनो हुसियार हो जाव, जब खाही कुसियार त अंगठे छाप मन खाही।
नाती:- वा अतेक पढ़त हवन तेन ह काम नइ आही का?
डोकरी दाई:- भइगे तुमन फारम भरौ, परीक्षा देवाव। सीखे पढ़े बइला ल ही नांगर फाँदे जाथे मोर लाल।