- अजा, अजजा अउ ओबीसी के पढ़ईया लइका मन के संवरही भविष्य
- प्रशासनिक, न्याययिक सेवा अउ सेना, रेल्वे, बैंक, यूनिवर्सिटी म कैरियर बनाए बर दीन टिप्स
- कुलपति, संभागायुक्त, आईएएस, जेएनयू के प्रोफेसर संग खांटी जानकार ह दीन पढ़ईया लइका मन के सवाल मन के जवाब
दुर्ग, सर मैं बीएससी सेकंड ईयर म पढ़थंव अऊ जेएनयू म पढ़ई करना चाहथंव, एखर बर मोला का करना होही? सर अभी फाइनल ईयर म हंव मोर मन स्थिर नइ रहय, कभू लागथे प्रशासनिक क्षेत्र म जावंव, कभू लागथे फिल्म म काम करंव। भविष्य ल लेके दिमाग म बहुत अकन सवाल आथे, का करना चाही? सर मै सरलग पढ़ई करत हंव, फेर याद नइ रख पांव, एक कमजोर छात्र खुद के पहिचान कइसन करय? कुछ अइसनहे सवाल अउ कैरियर के सही चयन कइसे करन ए सब सवाल के जवाब अउ मार्गदर्शन प्रदेश के अनुसूचित जाति, अनुसूचित जनजाति, आन पिछड़ा वर्ग संग अल्पसंख्यक अउ ग्रामीण क्षेत्र के गरीब पढ़ईया लईका मन ल मिलीस। भिलाई के सेक्टर एक नेहरू सांस्कृतिक भवन म दू दिन के कैरियर गाइडेंस अउ परामर्श अनुसूचित जाति, अनुसूचित जनजाति फेडरेशन भिलाई स्टील प्लांट, डा अम्बेडकर शिक्षा मित्र सोसायटी भिलाई, अचीवर्स फाउंडेशन दिल्ली, नागार्जुन फाउंडेशन भिलाई, सतनामी एजुकेशन फाउंडेशन, डॉ अंबेडकर भवन सेक्टर 6 भिलाई के तत्वावधान म अऊ कार्यक्रम के प्रमुख सूत्रधार इंडो तिब्बत बार्डर पुलिस 38वी वाहिनी के कमाण्डेट श्री नरेंन्द्र सिंह के मागदर्शन अउ आईटीबीपी के जवान मन के सहयोग ले आयोजित करे गीस।
कार्यक्रम म पढ़ईया लईका मन ल जेसी आदर्श, रिटायर्ड पीसीएस स्पेशल सेक्रेटरी अउ अभी हाल म चेयरमैन डा अंबेडकर अकादमी, मसौता गाजियाबाद, इंदिरा गांधी राष्ट्रीय जनजाति विवि अमरकंटक मध्यप्रदेश के कुलपति डॉ टी वी कटटीमनी, सुप्रीम कोर्ट के डिप्टी एडवोकेट जनरल श्री मनोज गौरखेला, दुर्ग संभाग आयुक्त श्री दिलीप वासनीकर, आईएसएस महादेव कावरे, जेएनयू के वरिष्ठ प्रोफेसर हिन्दी डॉ रामचन्द्र, दिल्ली यूनिवर्सिटी राजनीतिक विज्ञान डॉ राजकुमार, डी आईजी डॉ अजय यादव, जे सी आदर्श रिटायर्ड पी सी एस विजय राम रिटायर्ड आईआरटीएस, डा.लोबियाल विभागाध्यक्ष, कंप्यूटर साइंस जवाहर लाल नेहरू यूनिवर्सिटी, ललित विक्रम रिटायर्ड जनरल मैनेजर ग्रेटर नोएडा प्राधिकरण, सत्येन्द्र कुमार, रिटायर्ड इंडियन फारेन सर्विस, बाबूराम गौतम, एक्जीक्यूटिव इंजी. ग्रेटर नोएडा प्राधिकरण, डा राम श्रृगांर, प्रो. कम्प्यूटर साइंस, इंदिरा पास्ट यूनिवर्सिटी दिल्ली, डॉ. प्रवीण कुमार एसोसिएट प्रो. डॉ अभिलाषा एसो. प्रो. जर्नालिज्म, डॉ विनोद सेन प्रोफेसर, अर्थशास्त्र विभाग इंदिरा गांधी नेशनल ट्राईबल यूनिवर्सिटी अमरकंटक,डा श्रीधर हेगड़े, प्रोफेसर बैंगलोर विश्वविद्यालय कर्नाटक, डॉ स्नेहलता, गायनोक्लोजिस्ट रायपुर,डा सुनील मल, आई स्पेशलिस्ट रायपुर, प्रज्ञा मेश्राम, एडिशनल एसपी दुर्ग, गोपी चंद मेश्राम, एडिशनल एसपी रायपुर, डॉ मोना, प्रोफेसर एग्रीकल्चर इंस्टीट्यूट, आईटीबीपी के नरेन्द्र सिंह संग आन खांटी जानकार कोति ले विसय चयन, प्रतियोगी परीक्षा मन के तैयारी, चुनौती के सामना करत भविष्य निर्माण के सही दिशा म आगू बढ़े के प्रेरणा दिए गीस। पढ़ईया लईका मन ल प्रशासनिक सेवा, न्याययिक सेवा अउ सेना, पुलिस, रेल्वे, बैंक, यूनिवर्सिटी म कैरियर बनाए अऊ एखर तैयारी के संबंध म जरूरी मागदर्शन दे गीस।
