टूरा चायवाला आज ले मचाही धूम प्रदेश भर के सिनामघर मन म होही भव्य प्रदर्शन

दुर्ग, आसी फिल्म्स अऊ राजेश अवस्थी प्रोडक्शन के संघरा बैनर तले बने छत्तीसगढ़ी फिल्म टूरा चायवाला 1 फरवरी ले प्रदेश के कई ठन सिनामघर मन म रिलीज होवत हे। पता चले हे के ये फिल्म के शूटिंग छत्तीसगढ़ के सुन्‍दर जघा मन म होये हे अउ ये फिल्‍म म लोक संस्कृति के विशेष ध्यान देत नवा पन घलव लाये गए हे। ये फिल्‍म म भरथरी अउ पंथी लोक संस्कार के झलकी घलोक देखे ल मिलही। फिल्म म एक्शन अउ हाई स्पीड शॉट ल साउथ के जाने-माने फाईटमास्टर जूडों रामोजी के निर्देशन म फिल्माये गए हे। ये फिल्‍म के संगीत ल अलका चन्द्रकार अऊ सुनील सोनी के जोड़ी ह संवारे हे, अऊ ये फिल्‍म म निशांत उपाध्याय के कोरियाग्राफी अगल ले नजर आही। फिल्म म सात गाना हे सबो गाना बहुत सुग्‍घर हे, जेमां युवा मन के पसंद ल ध्यान म रखे गए हे।
फिल्म के एक गाना म कश्मीर के हसीन वादी नजर आही जऊन ल मनमोहक अउ सुग्‍घर तरीका ले फिल्माये गए हे। उन्‍हें बाकी गाना मन ल रायपुर अउ नवा रायपुर के सुग्‍घर जघा मन म फिल्माये गए हे। फिल्म टूरा चायवाला म राजेश अवस्थी, तेजल चौधरी अउ परदेशी के मया फेम बॉलीवुड स्टार व छॉलीवुड सुपरस्टार संजय बत्रा अड़बड़ दिन के बाद मुख्य भूमिका म नजर आही। छत्तीसगढ़ के कॉमेडियन संतोष निषाद उर्फ बोचकु कॉमेडी करत नजर आही। एखर अलावा फिल्म म डॉ. अजय सहाय, अनिल शर्मा, रजनीश झांझी, पुष्पाजंलि शर्मा, उर्वशी साहू, दीपक ताम्रकार, ज्योति कश्यप, दिनेश नाग, सलीम अंसारी मुख्य रूप ले नजर आहीं। कैमरा तोरण सिद्धार्थ राजपूत ह सम्हाले हे, उन्‍हें फिल्म के रिकार्डिंग कटक के मिलन स्टुडियों म करे गए हे।
प्रेस मन म बाटें गए प्रेस विज्ञप्ति के मुताबिक दर्शकों ल बहुत दिन ले लीक ले हटके एक अइसे फिल्म के अगोरा रहिस जेमां दर्शक मन ल एक्शन, इन्टरटेनमेंट अउ रोमांस देखे ल मिलय, ए सब चीज मन ल ध्यान म रखके राजेश अवस्थाी ह छत्तीसगढ़ी फिल्म टूरा चायवाला ल बनाए हे। जऊन 25 जनवरी ले प्रदेश के कई ठन सिनेमाघर म लगत हे, ए फिल्म ल दर्शक मन के अच्छा रिस्पांस मिले रहिस अउ दर्शक मन ह ए फिल्म ल हाऊसफुल तक लेके गये रहिन। राजेश मानथे के कुछ दिन के बाद दर्शक मन ल एक साफ सुथरा फिल्म देखे ल मिले हे। १ फरवरी ले कवर्धा, भिलाई, रायगढ़, जांजगीर-चाम्पा, राजनांदगांव अऊ धरमजयगढ़ म ये फिल्‍म रिलीज होवइया हे अउ बुक माई शॉ म 84 प्रतिशत दर्शक मन ह ए फिल्म ल पसंद करे हे।

लउछरहा..