जन्म अऊ जाति के प्रमाणपत्र एक संग मिले ले माता-पिता म हर्ष
रायपुर, अम्बिकापुर जिला के उदयपुर जनपद के अंतर्गत ग्राम पंचायत पण्डरीपानी निवासी श्री केशव प्रसाद अऊ श्रीमती दुर्गा के नवजात बालिका जान्वी ल जन्म के सातवां च दिन जन्म प्रमाण पत्र के संगें-संगे स्थाई जाति प्रमाण पत्र मिले ले वोखर माता-पिता चकरित होत खुस हें।
उदयपुर के जनपद अध्यक्ष श्री राजनाथ सिंह अऊ उपाध्यक्ष श्री राजीव कुमार सिंह ह जान्वी के पिता श्री केशव प्रसाद ल आज स्थाई जाति प्रमाण पत्र सौंपिस। जन्म के सात दिन म जन्म अऊ जाति प्रमाण पत्र एक संग जारी करे के जिला म ये पहला मामला हे। जन्म अऊ स्थाई जाति प्रमाण पत्र मिल जाय ले अब जान्वी ल भविष्य म अपन जाति प्रमाण पत्र बनवाए बर भटकना नइ परय।
मुख्यमंत्री श्री भूपेश बघेल के मंशानुरूप अऊ राज्य शासन के निर्देश के मुताबिक कलेक्टर डॉक्टर सारांश मित्तर ह राजस्व विभाग अऊ लोक सेवा केन्द्र के अधिकारी मन ल लइका मन के जन्म के संगेच स्थाई जाति प्रमाण पत्र लोक सेवा केन्द्र के माध्यम ले उपलब्ध कराए बर जरूरी निर्देश देहे गे हे। ए निर्देश मन के परिपालन म जन्म प्रमाण पत्र जारी करइया सक्षम प्राधिकारी मन ल जन्म प्रमाण पत्र जारी करे के बाद शिशु के पिता ल निरधारित प्रारूप म आवेदन नजदीकी लोक सेवा केन्द्र म जमा कराए के निर्देश देहे गे हे, जेखर से ओ मन ल ये निर्देश के लाभ मिल सकय।
इहां ये बताना जरूरी हे कि उदयपुर जनपद अन्तर्गत ग्राम पण्डरीपानी निवासी दंपत्ति श्री केशवर प्रसाद अऊ श्रीमती दुर्गा के पुत्री जान्वी के जन्म पाछू हफ्ता 10 जुलाई 2019 के दिन होय रहिस। शिशु जान्वी के स्थाई जाति प्रमाण पत्र जारी करे बर ओखर पिता श्री केशवर प्रसाद ल जारी स्थाई जाति प्रमाण पत्र के आधार म स्थाई सामाजिक प्रास्थिति प्रमाण पत्र 15 जुलाई 2019 के दिन जारी करे गीस।
अभी हाल म अनुसूचित जाति, अनुसूचित जनजाति अऊ आन पिछड़ा वर्ग के छत्तीसगढ़ के स्थानीय निवासी मन के जाति प्रमाण पत्र सक्षम प्राधिकारी मन कोति ले छत्तीसगढ़ अनुसूचित जाति अनुसूचित जनजाति अऊ आन पिछड़ा वर्ग अधिनियम 2013 अऊ ओखर तहत बनाए प्रावधान अऊ शासन के निर्देशानुसार जारी करे जात हे। सामान्य प्रशासन विभाग के नवा आदेश के मुताबिक उपरोक्त वर्ग के मनखे के परिवार म शिशु के जन्म के बाद ओखर पिता ल सक्षम प्राधिकारी कोति ले जारी करे जाति प्रमाण पत्र के आधार म शिशु के जाति प्रमाण पत्र घलोक जारी करे जात हे।
