नगरीय प्रशासन मंत्री डॉ. डहरिया ह दीन बधाई अउ शुभकामना
रायपुर, नगरीय प्रशासन मंत्री अऊ बलौदा बाजार भाटापारा जिला के प्रभारी मंत्री डॉ. शिव कुमार डहरिया ह जिला के अंतर्गत पलारी निवासी मेधावी छात्रा कुमारी चमनभारती बंजारे ल प्रतिष्ठित डॉ. अम्बेडकर राष्ट्रीय अवार्ड मिले म बधाई अउ शुभकामनांए देहे हें। आप मन जानतेच होहू के केन्द्र सरकार के सामाजिक न्याय अउ अधिकारिता मंत्रालय अंतर्गत गठित डॉ. अम्बेडकर प्रतिष्ठान कोति ले प्रतिवर्ष अनुसूचित जाति अउ जनजाति वर्ग के मेधावी छात्रा मन ल ये पुरस्कार प्रदान करे जाथे।
कलेक्टर श्री कार्तिकेय गोयल ह जिला कार्यालय म आयोजित एक छोअकन कार्यक्रम म कुमारी चमनभारती ल सम्मान राशि 40 हजार रूपिया के ड्राफ्ट अउ प्रशस्ति पत्र देके शुभकामना दीन। श्री गोयल ह सुश्री भारती के मुंह मीठा घलोक कराइन अऊ उंखर भावी कैरियर बर मार्गदर्शन दीन। हम आप ल बता देवन के पूरा छत्तीसगढ़ म ए योजना के अंतर्गत अनुसूचित जाति वर्ग के दू अऊ जनजाति वर्ग ले छै पढ़ईया लईका मन के चयन करे गीस। सुश्री चमन ह बारहवीं के परीक्षा म ए साल 87 प्रतिशत अंक हासिल करे हे। उमन सुहेला के शांतिदेवी हायर सेकेण्डरी स्कूल ले बारहवीं के पढ़ाई करे हे। भविष्य म ओ मन डॉक्टर बनना चाहत हें। ए अवसर म जिला पंचायत के सीईओ श्री एस. जयवर्धन, डीएफओ श्री विश्वेश कुमार संग चमन के पिता श्री किशनलाल बंजारे अउ ऊंखर शिक्षकगण उपस्थित रहिन।
