मुख्यमंत्री ल छठ महापर्व के नेवता

रायपुर, मुख्यमंत्री श्री भूपेश बघेल ले आज इहां ऊंखर निवास म छठ महापर्व आयोजन समिति महादेव घाट रायपुर के प्रतिनिधि मण्डल ह श्री राजेश कुमार सिंह के सियानी म मुलाकात करिस। उमन छठ महापर्व म राज्य शासन कोति ले सामान्य अवकाश घोषित करे म मुख्यमंत्री ल धन्यवाद दीन। प्रतिनिधि मण्डल ह मुख्यमंत्री ल बताइस कि हर साल जइसे ये साल घलोक रायपुर के महादेव घाट खारुन नदी के पार म भगवान सुरुज के उपासना के छठ महापर्व के भव्य आयोजन करे जात हे। प्रतिनिधि मण्डल ह छठ पूजा के अंतर्गत 2 नवंबर ले अस्त होत सुरुज ल अर्ध्य अर्पित करे के बेरा मुख्यमंत्री श्री भूपेश बघेल ले कार्यक्रम म सामिल होए के आग्रह करिस अऊ ओ मन ल आमंत्रण पत्र सौंपिन। मुख्यमंत्री ह आमंत्रण बर धन्यवाद देवत अपन सहमति दीन अऊ कार्यक्रम के सफलता बर शुभकामना दीन। प्रतिनिधि मण्डल म आयोजन समिति के सर्वश्री रविंद्र सिंह, सुनिल सिंह, रामकुमार सिंह अऊ सत्येंद्र सिंह गौतम संग बहुत अकन पदाधिकारी अऊ सदस्य बड़ संख्या म उपस्थित रहिन।

लउछरहा..