सार्वजनिक कम्पनी मन ल आबंटित कोयला ब्लॉक मन के होइस समीक्षा

रायपुर, भारत सरकार कोयला मंत्रालय के सचिव श्री सुमंत चौधरी के अध्यक्षता म आज इहां मंत्रालय (महानदी भवन) म राज्य म सार्वजनिक कम्पनी मन ल आबंटित अऊ एस.ई.सी.एल. के कोल ब्लॉक मन के प्रगति के समीक्षा करे गीस। आज आयोजित मॉनिटरिंग समिति के 9वां बैठक म कोल ब्लॉक ले संबंधित लंबित कार्रवाई संग अभीन के स्थिति के जानकारी संबंधित मन ले लेहे गीस। बैठक म छत्तीसगढ़ के मुख्य सचिव श्री सुनील कुमार कुजूर विशेष रूप ले उपस्थित रहिन। बैठक म ये निर्णय ले गीस के कोल ब्लॉक ले संबंधित जिला मन के कलेक्टर, राजस्व विभाग, पर्यावरण अउ वन विभाग के अधिकारी मन के संयुक्त बैठक महिना म एक पइत आयोजित करे जाही अऊ लंबित प्रकरण मन के निराकरण के प्रगति के समीक्षा करे जाही। संगेच निरधारित समयावधि म कोयला खनन के काम चालू करे बर लंबित कार्यवाही मन ल जल्दी गति ले निपटाये जाही।

बैठक म छत्तीसगढ़ राज्य म सार्वजनिक कम्पनी मन ल आबंटित कोल ब्लॉक जिंकर काम अब तक चालू नइ होए हे ऊंखर संबंध म भू-अर्जन, पर्यावरण अउ वन विभाग के अनुमति, जनसुनवाई, मुआवजा वितरण आदि के लंबित प्रकरण मन के विस्तार ले समीक्षा करे गीस। बैठक म छत्तीसगढ़ स्टेट पॉवर जनरेशन कम्पनी लिमिटेड, राजस्थान विद्युत उत्पादन निगम लिमिटेड, महाराष्ट्र पॉवर जनरेशन कम्पनी लिमिटेड, गुजरात स्टेट इलेक्ट्रिसिटी कार्पोरेशन लिमिटेड, आन्ध्रप्रदेश मिनिरल डेवलपमेंट कार्पोरेशन लिमिटेड ल आबंटित कोल ब्लॉक के समीक्षा करे गीस।

बैठक म एस.ई.सी.एल.(साउथ ईस्टन कोल फील्ड लिमिटेड) ल राज्य म आबंटित सरगुजा जिला के अमेरा, सुरजपुर के आमगांव, कोरबा के विजयवेस्ट, बरौद, जेवरा, अम्बिका, पेलमा, झाल, दिप्का, चुरचा, सरायपाली, रायगढ़ जिला बिजरी, दुर्गापुर, पेलमा, बरौद, वासरी, कटकोना, भेलवाडीह, राजगमढ़ स्थित कोयला खदान मन के लंबित प्रकरण मन के विसय म घलोक चर्चा करे गीस।
बैठक म अपर मुख्य सचिव वन श्री सी.के.खेतान, सचिव खनिज संसाधन श्री गौरव द्विवेदी, सचिव राजस्व श्री एन.के. खाखा, संचालक खनिज श्री के.से. देवसेनापति, विशेष सचिव पर्यावरण सुश्री पी.संगीता, छत्तीसगढ़ पॉवर कार्पोरेशन लिमिटेड के अध्यक्ष श्री शैलेन्द्र शुक्ला, भारत सरकार कोयला मंत्रालय के संयुक्त सचिव श्री आशीष कुमार संग पॉवर जनरेशन कम्पनी मन के प्रतिनिधि उपस्थित रहिन।

लउछरहा..