फेसबुक म मुख्य निर्वाचन पदाधिकारी आज मतदाता मन ले करहीं सीधा गोठ

रायपुर, मुख्य निर्वाचन पदाधिकारी श्री सुब्रत साहू आज आम नागरिक मन के संग सोशल मीडिया प्लेटफार्म फेसबुक म सीधा गोठ करहीं। मुख्य निर्वाचन पदाधिकारी कार्यालय के फेसबुक पेज म लाइव रहिके ओ मन मतदाता मन ले निर्वाचन संबंधी जिज्ञासा मन के समाधान करहीं। ए दौरान ओ मन मतदाता मन कोति ले पूछे गए सवाल मन के जवाब घलोक देहीं। मुख्य निर्वाचन पदाधिकारी श्री सुब्रत साहू लोकसभा निर्वाचन के गतिविधि मन अऊ निर्वाचन आयोग कोति ले करे जात नवा प्रयोग मन के घलोक जानकारी देहीं ए दौरान आम नागरिक मन ल सजग रहत आचार संहिता उल्लंघन के सीधा शिकायत करे बर परयोग म आवइया मोबाइल एप्लिकेशन सी-विजिल के घलोक जानकारी देंहीं। ओ मन मंझनिया 12 बजे ले एक बजे तक सीईओ कार्यालय के फेसबुक पेज म लाइव मौजूद रइहीं। प्रदेश के नागरिक ओ बेरा के पहिली घलोक अपन जिज्ञासा अऊ सवाल फेसबुक पेज म दरज कर सकत हें।
हम आप ल बता देवन के मुख्य निर्वाचन पदाधिकारी श्री साहू पाछू विधानसभा निर्वाचन के समय घलोक आम नागिरक मन के संग सोशल मीडिया प्लेट फार्म फेसबुक अऊ ट्वीटर म संवाद स्थापित करे हे। ए दौरान मतदाता मन ह उत्साहपूर्वक बड़ संख्या म उंखर से सवाल पूछे रहिन अऊ अपन जिज्ञासा मन के समाधान करे रहिन। मतदाता जागरूकता कार्यक्रम के अंतर्गत मतदाता मन के बीच सुग्‍घर पहुंच बनाए अऊ ओ मन ल अवइया लोकसभा निर्वाचन म मतदान के प्रति प्रेरित करे म ये सीधा बातचीत अड़बड़ प्रभावी होवत हे। मुख्य निर्वाचन पदाधिकारी कार्यालय के सोशल मीडिया विंग ह ए फेसबुक लाइव म प्रदेश के सबो मतदाता मन ल जादा ले जादा संख्या म हिस्सा लेहे के अपील करे हे।

लउछरहा..