छत्तीसगढ़ संस्कृत विद्यामंडलम ले संबद्ध विद्यालय मन के प्राचार्य अऊ प्रधानाचार्य मन के बैठक होइस

रायपुर, 26 जून 2018। छत्तीसगढ़ संस्कृत विद्यामंडलम के अध्यक्ष स्‍वामी परमात्मानंद के मार्गदर्शन म संकुल स्तरीय संस्कृत विद्यालय मन के प्राचार्य अऊ प्रधानाचार्य मन के बैठक न्यू राजेन्द्र नगर स्थित कार्यालय म रखे गए रहीस। स्‍वामी परमात्मानंद कोति ले स्वस्तिवाचन पूर्वक दीप प्रज्जवलित करके बैठक चालू करे गीस। उमन सबो प्राचार्य अऊ प्रधानाचार्य मन ल छत्तीसगढ़ राज्य म संस्कृत के स्थिति ल सुदृढ़ बनाए अउ समाज के ध्यान संस्कृत कोति करे म सफलता प्राप्त करे बर साधुवाद दीन अऊ ‘ग्रामे-ग्रामे संस्कृतम’ अभियान ल गति देहे बर व्यापक दिशा-निर्देश घलोक दीन।
स्‍वामी परमात्मानंद ह बताइस कि प्रदेश के 85 संस्कृत विद्यालय मन म करीबन ग्यारह हजार विद्यार्थी अध्ययनरत हें। संस्कृत विद्यालय मन म अध्ययनरत छात्रा मन के संख्या चार हजार ले जादा हे। केन्द्रीय जेल रायपुर म घलोक संस्कृत विद्यालय संचालित हे। ए अवसर म छत्तीसगढ़ संस्कृत विद्या मंडलम के सचिव डॉ. सुरेश कुमार शर्मा ह नवीन शैक्षणिक सत्र के कार्यवाही चालू करत नवीन सत्र के गतिविधि मन के क्रियान्वयन बर विस्तार पूर्वक जानकारी दीन, जेमां प्रवेश विषय मन के इकाईवार अध्यापन, अकादमिक गतिविधि अऊ त्रैमासिक अउ अर्धवार्षिक परीक्षा मन के सम्पादन जइसे बिन्दु सामिल रहिस। बैठक म श्री चन्द्रभानु वर्मा, श्री लक्ष्मण प्रसाद साहू अऊ श्रीमती आशा रानी चतुर्वेदी ह प्रतिभागी मन ल उचित मार्गदर्शन दीन।


(adsbygoogle = window.adsbygoogle || []).push({});

लउछरहा..