मुख्यमंत्री कोति ले तीन दृष्टि बाधित युवा मन ल स्वेच्छानुदान ले 25-25 हजार रूपिया के आर्थिक मदद देहे गीस

रायपुर, मुख्यमंत्री श्री भूपेश बघेल ह बस्तर जिला के तीन दृष्टि बाधित युवा मन ल स्वेच्छानुदान ले 25-25 हजार रूपिया के आर्थिक सहायता मंजूर करे हें। ए युवा मन ह मुख्यमंत्री ले आज विधानसभा परिसर स्थित ऊंखर कार्यालय कक्ष म मुलाकात करिन अऊ उंखर से पढ़ाई बर आर्थिक मदद अउ रोजगार देवाए के आग्रह करिन।
बस्तर जिला के बकावण्ड विकासखण्ड के ग्राम गारेंगा ले आए श्री भीमधर कन्नौजी ह मुख्यमंत्री ल बताइस के उमन ब्रेललिपि ले पढ़ाई करके 12वीं के परीक्षा उत्तीर्ण कर लिए हे। ओ ह खुद अऊ उंखर बहिनी कुमारी गुरूवारी कन्नौजी अऊ छोटे भाई सुखधर कन्नौजी दृष्टि बाधित हे। उमन अपन परिवार के कमजोर आर्थिक स्थिति के जानकारी देवत अपन भाई अऊ बहिनी के पढ़ाई बर मुख्यमंत्री ले सहायता के आग्रह करिस। भीमधर के संग ग्राम कुम्हरावण्ड ले आए दृष्टि बाधित युवा श्रीकांत पाण्डेय अऊ जनक राम ह घलोक अपन पढ़ाई बर मुख्यमंत्री ले आर्थिक सहायता के आग्रह करिस। मुख्यमंत्री ह ए तीनों युवा मन के बात सहानुभूतिपूर्वक सुनिस अऊ स्वेच्छानुदान ले तुरंते आर्थिक सहायता मंजूर कर दीन।

लउछरहा..