अपन घर बनााए के सपना अब होही साकार : अनिला

छोटे जमीन मन के रजिस्ट्री के फैसला ले भू स्वामि मन म खुशी के लहर

रायपुर, मुख्यमंत्री श्री भूपेश बघेल कोति ले छोटे भूखंड मन के पंजीयन म लगे रोक हटाए के बाद मध्यम अऊ नीचले वर्ग ल बड़का राहत मिले हे। पंजीयन अऊ मुद्रांक विभाग कोति ले अब पांच डिसमिल ले कम जमीन के घलोक रजिस्ट्री करे जात हे। जिला के सबो उप पंजीयक कार्यालय मन म भू खंड स्वामी मन के आवाजाही बाढ़ गए हे। ए फैसला ले सबो छोटे भूखंड स्वामि मन ल अड़बड़ सहूलियत होइस हे। अब जमीन बिसाना अऊ बेचना आसान हो गए हे। बलौदाबाजार के इंदिरा कॉलोनी निवासी श्रीमती अनिला मार्कण्डेय पति दयाराम मार्कण्डेय ह कहिन के हर कोनो के सपना होथे के छोटकन ही सही फेर खुद के घर होवय। मध्यम वर्गीय कुटुंब अपन जीवन भर के कमाई ले एक छोटे भूखंड खरीद पाथे जेमां वो अपन सपना के आशियाना बना सकय। उमन कहिन के मुख्यमंत्री जी के ए फैसला ले ओखरेचनहीं भलुक कई मनखे मन के खुद के घर बनाए के सपना पूरा होही। श्रीमती मार्कण्डेय ह बताइस के उमन नयापारा निवासी श्री कल्याण सिंह ले बलौदाबाजार भाटापारा मार्ग ले 200 मीटर अंदर ग्राम पंचायत भरसेली म स्थित 3 डिसमिल भूखंड खरीदे हे। जेखर खसरा नंबर 880/23 (आठ सौ अस्सी बटा तेईस) हे। श्रीमती मार्कण्डेय ह बताइस के उमन 6 लाख 75 हजार म ये भूखंड खरीदे हे। जेखर बर ऊंखर कोति ले 27000 रुपिया मुद्रांक शुल्क, 6750 रुपिया जनपद कर अउ 1350 रुपए उपकर, ए प्रकार ले कुल 35100 के शुल्क देहे गीस। ओखर सपना हे के वो अपन जमीन म खुद के आशियाना बनावय।

लउछरहा..