मुख्यमंत्री ह दीस धमतरी ल उद्यानिकी महाविद्यालय के सौगात

रायपुर, मुख्यमंत्री श्री भूपेश बघेल ह काली संझा धमतरी शहर के मुख्यमार्ग म रोड शो करके जिलावासी अउ किसान मन के प्रति आभार प्रकट करिन। संगेच जिला के विकास बर करीबन 33.48 करोड़ रूपिया के 65 निर्माण काम मन के लोकार्पण अउ भूमिपूजन करिन। मुख्यमंत्री ह ए अवसर म धमतरी म उद्यानिकी महाविद्यालय के घोषणा करिन। ए अवसर म सिहावा विधायक डॉ. लक्ष्मी ध्रुव, पूर्व विधायक धमतरी श्री गुरूमुख सिंह अउ श्री हर्षद मेहता, कुरूद के पहिली विधायक श्री लेखराम साहू, सिहावा के पूर्व विधायक श्रीमती अम्बिका मरकाम विशेष अतिथि के रूप म उपस्थित रहिन।
मुख्यमंत्री श्री बघेल स्थानीय शासकीय उच्चतर माध्यमिक विद्यालय के खेल परिसर म पहुंचिन, जिहां ले ओ मन सीधा नगर के आराध्य देवी विंध्यवासिनी माता मंदिर के दर्शन करिन अऊ प्रदेशवासी मन के अमन चैन बर आशीर्वाद मांगिन। उमन शहर के रामबाग, गणेश चौक, सदर बाजार, चमेली चौक, मठमंदिर चौक, गोलबाजार व घड़ी चौक होत रत्नाबांधा चौक ले रेस्ट हाउस के रस्‍दा म रोड शो निकालके जिलेवासी अउ नागरिक मन के प्रति आभार प्रकट करिन। एखर बाद उमन मुख्य कार्यक्रम स्थल मिशन ग्राउण्ड पहुंचके करीबन 33 करोड़, 48 लाख रूपिया के विकास काम मन के लोकार्पण अउ भूमिपूजन करिन, जेमा 24 करोड़ 89 लाख रूपिया के नौ काम मन के लोकार्पण अउ आठ करोड़ 58 लाख रूपिया के 56 निर्माण काम मन भूमिपूजन सामिल हे।
ए दौरान शहर के वरिष्ठ नागरिक श्री मोहन लालवानी अउ श्री रामगोपाल अग्रवाल ह मुख्यमंत्री के समक्ष मांग-पत्र के वाचन करिस। ए अवसर म कलेक्टर श्री रजत बंसल संग स्थानीय जनप्रतिनिधि अऊ बड़ संख्या म नागरिक उपस्थित रहिन।

लउछरहा..