ज्ञान अर्जित करके समाज म बना सकत हे उंचा स्थान : डॉ. डहरिया

रायपुर, नगरीय प्रशासन अऊ श्रम मंत्री डॉ. शिवकुमार डहरिया ह कहिन के शिक्षा ले जीवन के अंधकार दूर करे जा सकत हे। छात्र-छात्रा अऊ युवा साथी मन सही दिशा म ज्ञान अर्जित करके समाज म पहिचान बना सकत हें। संगेच ओ मन अपन परिवार के संगेच समाज ल सही मार्गदर्शन प्रदान कर सकत हें। डॉ. डहरिया आाज आरंग स्थित शासकीय कला, वाणिज्य अउ विज्ञान स्नातकोत्तर महाविद्यालय म अयोजित वार्षिकोत्सव कार्यक्रम ल सम्बोधित करत रहिन। डॉ. डहरिया ह ए मौका म महाविद्यालय परिसर म 86 लाख रूपिया के लागत ले निर्मित छे अकतहा अध्ययन कक्ष के लोकार्पण करिन। ए अकतहा महाविद्यालय म सांइस लैब निर्माण बर 10 लाख रूपिया देहे के घोषणा करिन। डॉ. डहरिया ह जनप्रतिनिधि अऊ महाविद्यालय परिवार कोति ले आरंग म कन्या महाविद्यालय खोले जाय के मांग म उच्‍च शिक्षा मंत्री ले चर्चा करके कन्या महाविद्यालय खोले जाये म सहमति व्यक्त करिन।

लउछरहा..