जोगी-जोगीयइन के गोठ अउ सीएम भूपेश के टिप्पणी अउ विधानसभा के ठहाका

विधानसभा म जोगी दंपति ल लेके प्रदेश के मुखिया भूपेश बघेल के एक टिप्पणी ले पूरा सदन ठहाका म गूंजे लगिस। विधानसभा म अजीत जोगी के एक ठो सवाल म रेणु जोगी घलो एक ठो पूरक प्रस्‍न पूछ दिन। जेकर जुवाब देवत जल संसाधन मंत्री रवीन्द्र चौबे हॅ मजाकिया लहजा म कहिन के मछरी के मामला म जोगी-जोगीअइन दूनो एक हे। चौबे जी के ए बात म टिप्पणी करत शिवरतन शर्मा जी कहिन कि इन ल एक करे म मुख्यमंत्री भूपेश बघेल जी के हाथ हे।
अतका ल सुनके सदन के सदस्य मन हांस भरिन। सदन के गूंजत हांसी ल सुनके सीएम बघेल घलो अपन आप ल नइ रोके सकिस अउ कहिस के पति पत्नि ल एक संग मिलवाना बड़ा पुन्न के काम होथे। मुख्यमंत्री महोदय के अतका बोलतेच सदन म ठहाका गूंजे लगिस।
धर्मेन्‍द्र निर्मल के सार समाचार

लउछरहा..